Kwan 9:14 - Motingʼo Loko Manyien

¹⁴ “ ‘Japiny moro modak kodu madwaro timo nyasi mar Pasaka mar Jehova Nyasaye nyaka tim kamano kaluwore gi chikene kod buchene. Nyaka ubed gi chike machalre ne japiny moro kod ngʼat monywol e gwengʼno.’ ”

MUMA MALER 2015

¹⁴ “Ka japiny moro odak kuomu, to en bende nyaka otim ni Ruoth Nyasaye Sap Pasaka, koluwo chike moketi duto. Chik achielno omako jadak gi ja-Israel machalre.”

Kwan 9:14 ပူးပေါင်းရင်းမြစ်များ

Ezra 6:21

Omiyo jo-Israel mane oa e twech nochamo Pasakano, kanyakla gi jogo duto mano ngʼanyone timbe mochido mag ogendini mamoko modak machiegni kodgi mondo omi gidwar Jehova Nyasaye, ma Nyasach Israel.

Wuok 12:43

Jehova Nyasaye nowacho ne Musa gi Harun niya, “Magi e chike monego urit ka utimo Pasaka. “Jopinje mamoko kik chame.

Wuok 12:47

Oganda duto mar jo-Israel nyaka tim sawoni.

Tim jo-Lawi 19:10

Kupono olembeu mag mzabibu, to kik upon-gi duto, bende mago molwar piny kik ukwany. Mago weuru ni joma odhier kod jodak manie dieru. An e Jehova Nyasaye ma Nyasachu.

Tim jo-Lawi 22:25

kendo kik uyie kawo chiayo machal kamano kuom jadak manie pinyu mondo uchiwe ni Nyasachu ka chiembe. Jehova Nyasaye ok bi yie kodgi nikech gin-gi songa kendo gingʼol.’ ”

Tim jo-Lawi 24:22

Kaka ikumo jadak e kaka ikumo ja-Israel. An e Jehova Nyasaye ma Nyasachu.’ ”

Tim jo-Lawi 25:15

Ka ingʼiewo lop wadu nyaka ikwan higni kochakore e higa mar piero abich mokadho. Nyaka oket nengo lopno mana maromre gi higni ma pod ibiro keyoe.

Kwan 15:15

Oganda jo-Israel nyaka bed gi chike machalre ne tiengʼ mabiro kod jopinje mamoko; ma en singo mochwere ne tiengʼ mabiro. Un kod jopinje mamoko nubed machalre e nyim Jehova Nyasaye:

Kwan 15:16

Chik achiel ema omakou machalre gi jopinje mamoko modak e dieru.’ ”

Rapar mar Chik 29:11

kaachiel gi nyithindu kod mondu, to gi jopinje mamoko modak e kembeu kabaronu yien kendo umbonu pi.

Rapar mar Chik 31:12

Chokuru ji, chwo, mon kod nyithindo kaachiel gi jopinje mamoko modak e miechu mondo giwinj chikego eka mondo giwinj kendo gipuonjre luoro Jehova Nyasaye ma Nyasachu kendo girit wechene duto maber.