Kwan 4:5 - Motingʼo Loko Manyien

⁵ Ka udar kama ujote, to Harun kod yawuote nyaka donji ei hema mi gigol pasia kendo giumgo Sandug Muma.

MUMA MALER 2015

⁵ Ka udaro kambiu, to Harun gi yawuote nyaka bi mi lor pasia mogeng’o Kama Ler moloyo, kendo giumgo Sandug Rapar.

Kwan 4:5 ပူးပေါင်းရင်းမြစ်များ

1 Weche mag Ndalo 15:15

Jo-Lawi noliero Sandug Muma mar Nyasaye e gokgi gi ludhe, mana kaka Musa nochiko kaluwore gi wach Jehova Nyasaye.

1 Weche mag Ndalo 23:26

onge tiende mondo jo-Lawi osik katingʼo Hemb Romo kata gige lemo mitiyogo e iye.”

2 Weche mag Ndalo 3:14

Noloso pasia mar nanga marambulu, gi maralik, gi makwar kod law mayom motwangʼe kido mar kerubi.

Wuok 36:35

Negiloso pasiago gi law mayom momin mar range marambulu, maralik kod marakwaro moketie kido mar malaika mar kerubi kogorie gi jagoro molony.

Wuok 40:3

Ket Sandug Muma e iye kendo igengʼe gi pasia.

Wuok 40:5

Ket kendo mar misango miwangʼoe ubani molos gi dhahabu e nyim Sandug Muma kendo iket pasia e dhood Hemb Romo.

Isaya 25:7

Ewi godni obiro walo law moumo wangʼ ji duto, law mogengʼo ogendini duto;

Tim jo-Lawi 16:2

Jehova Nyasaye nowacho ne Musa niya, “Nyis Harun owadu ni kik thor donjo e Kama Ler Moloyo manie nyim Sandug Muma miluongo ni kar ngʼwono, nono to enotho, nikech afwenyora gi e bor polo manie ewi raum.

Kwan 10:14

Jo-Juda ema ne okwongo wuok ka gin e bwo bandechgi, kotelnegi gi Nashon wuod Aminadab.

Kwan 4:15

“Bangʼ ka Harun gi yawuote osetieko umo gik maler mitiyogo kod gik maler duto mamoko, kendo ka kambi oseikore mar wuok, to jo-Kohath koro nyaka bi mondo oti tij tingʼo. Kik gimul gik maler, nimar ka gitimo kamano to ginitho. Jo-Kohath nyaka tingʼ gigo mantiere ei Hemb Romo.

Kwan 4:4

“Tij jo-Kohath e Hemb Romo en rito gik maler moloyo.

Kwan 7:9

To joka Kohath, Musa ne ok omiyogi gimoro amora nikech tich mane omigi ne en mar tingʼo gik maler.

Mathayo 27:51

Mana gisano pasia mar hekalu noyiech e diere tir, chakre malo nyaka piny. Piny noyiengni kendo lwendni nobarore.

Rapar mar Chik 31:9

Kuom mano Musa nondiko chikegi mi omiyogi jodolo, ma yawuot Lawi, mane otingʼo Sandug Muma mar singruok Jehova Nyasaye. Jodong Israel bende nomi chikego.

Jo-Hibrania 10:20

noyawonwa yo manyien kendo mangima kuom ringre owuon mondo wakadh pasia.

Jo-Hibrania 9:3

E tok pasia mar ariyo ne nitie hema miluongo ni Kama Ler Moloyo,

1 Samuel 6:19

To Nyasaye nogoyo jo-Beth Shemesh moko, monego ji piero abiriyo nikech negingʼiyo ii Sandug Muma mar Jehova Nyasaye. Ji noywak malit nikech sand mane Jehova Nyasaye osekelonegi,