Kwan 33:3 - Motingʼo Loko Manyien

³ Jo-Israel nochako wuoth koa Rameses e odiechiengʼ mar apar gabich mar dwe mokwongo, ma en odiechiengʼ mokwongo bangʼ Pasaka. Negiwuok ayanga ka jo-Misri nenogi to ne ok gidewo,

MUMA MALER 2015

³ Jo-Israel noa Ramases chieng’ due apar gabich mar due mokwongo, ma en chieng’ maluwo chieng’ Pasaka. Ne giwuok ka jo-Misri nenogi, to ne ok gidewo.

Kwan 33:3 ပူးပေါင်းရင်းမြစ်များ

Chakruok 47:11

Kuom mano Josef nomiyo wuon-gi kod owetene kuonde mabeyo e piny Misri e gwengʼ mar Rameses mana kaka Farao nochike.

Zaburi 105:38

Misri ne mor kane giwuok, nikech mbi mar jo-Israel nosegore kuomgi.

Wuok 1:11

Kuom mano, jo-Misri noketo nyipeche mondo ochun jo-Israel gi tich matek, kendo negigero Pithom gi Rameses kaka miech keno mag ruoth Farao.

Wuok 12:2

“Dweni ema biro bedonu dwe mokwongo, ma en dwe mokwongo mar hiku.

Wuok 12:37

Jo-Israel nowuok Rameses kochomo Sukoth; ne gin ji madirom alufu mia auchiel ka ok okwan mon kod nyithindo.

Wuok 13:4

Kawuono e dwe mar Abib, ema uwuokie.

Wuok 14:8

Jehova Nyasaye nomiyo chuny Farao ma ruodh Misri odoko matek, mi nolawo jo-Israel mane wuotho ka gin gi chir.

Isaya 52:12

To ok unuwuogi kurikni kata ka uringo; nimar Jehova Nyasaye notel nyimu, ee Nyasach Israel bende nodongʼnu chien.

Mika 2:13

Jal mayawo yore modinore nodhi nyimgi kotelonegi. Ginimuom rangach mi gitony. Ruodhgi nokwong okadh kotelonegi. Jehova Nyasaye notelnegi.”

Kwan 33:2

Kaluwore gi chik mar Jehova Nyasaye, Musa nondiko nonro maber mar migepe mag wuodhgi. Ma e kaka ne giwuotho e migawo ka migawo: