Kwan 29:7 - Motingʼo Loko Manyien

⁷ “ ‘E odiechiengʼ mar apar mar dwe mar abiriyo beduru gi chokruok mowal. Nyaka utwe chiemo kulamo kendo kik uti tich moro amora.

MUMA MALER 2015

⁷ “Due apar due mar abiriyono nyaka ubed gi chokruok maler, kendo nyaka usandru kuriyo kech, bende kik uti tich moro amora.

Kwan 29:7 ပူးပေါင်းရင်းမြစ်များ

Ezra 8:21

Bangʼ mano, ne agolo chik mondo watwe chiemo e dho aora Ahava ka wahore wawegi e nyim Nyasachwa kendo wakwaye wuoth maber ni wan gi nyithindwa, gi giwa duto.

Zaburi 35:13

To kane gituo magihewore to ne arwako law ywagruok kendo ne abolora katweyo chiemo. Kane lamona ok odwoki,

Isaya 22:12

To Ruoth Nyasaye ma en Jehova Nyasaye Maratego, ne oluongou odiechiengno mondo uywagi kendo udengi, ka upudho yie wiu kendo urwako pien gugru.

Zekaria 12:10

“Kendo anami joka Daudi kod joma odak Jerusalem chuny mar ngʼwono gi kwayo. Giniket geno margi kuoma, an mane gichwowo, kendo giniywage mana kaka ngʼato ywago wuode ma miderma.

Zekaria 7:3

ka gipenjo jodolo mag od Jehova Nyasaye Maratego kod jonabi niya, “Bende owinjore aywagi kendo atwe chiemo e dwe mar abich kaka asebedo ka atimo kuom higni mangʼeny?”

Mathayo 5:4

Joma ywak gin joma ogwedhi, nimar ibiro hoyogi.

Luka 13:3

Awachonu ni ooyo! To ka ok ulokoru uweyo richou, un duto unutho kamano.

Luka 13:5

Awachonu ni ooyo! To ka ok ulokoru uweyo richou un bende ubiro mana tho.”

Tich Joote 27:9

Kaka koro ne waseketho seche mathoth, to kwangʼ bende bedo marach, kendo kinde mag Sap Tweyo Chiemo bende nosekadho, Paulo nongʼado rieko ni jokwangʼ kowacho niya,

Jo-Rumi 6:6

Nimar wangʼeyo ni ngimawa machon nogur kode mondo ringruok mar richo okethi, kendo kik koro wabed wasumbini mag richo,

1 Jo-Korintho 9:27

Ooyo, asando ringra mondo owinj wachna, mondo kik yud ni an awuon ok ayudo osimb loch, bangʼ yalo Injili ne ji mamoko.