Kwan 28:24 - Motingʼo Loko Manyien

²⁴ Kamano bende kelnauru chiwo mitimogo misengini miwangʼo pile pile kuom ndalo abiriyo mondo chiemba odungʼ tik mangʼwe ngʼar ni Jehova Nyasaye; kendo nyaka ulose kumedo gi misango miwangʼo pep mapile pile kod misango miolo piny.

MUMA MALER 2015

²⁴ Unutim misengnigo pile nyaka chieng’ mar abiriyo. En misango mitimo mondo obed chiemo madum tik mamit ni Ruoth Nyasaye. Nyaka uchiwe kumedo ewi misango miwang’o pep mitimo pile, kod misango miolo piny michiwego.

Kwan 28:24 ပူးပေါင်းရင်းမြစ်များ

Wuok 29:40

Chiw nyarombo mokwongono gi mogo mayom moromo gorogoro achiel gi nus moruw gi mo mobi e olemb zeituni moromo lita achiel, kendo ichiw divai moromo lita achiel kaka misango miolo piny

Ezekiel 45:23

Odiechiengʼ kodiechiengʼ, kuom ndalo abiriyogo duto mag sawo, nyaka ochiw rwedhi abiriyo gi imbe abiriyo maonge songa, kaka misango miwangʼo pep ni Jehova Nyasaye, kaachiel gi nywok kaka misango mar golo richo.

Tim jo-Lawi 3:11

Jadolo nowangʼ gigi duto ewi kendo mar misango kaka chiemo, ma en chiwo miwangʼo pep ne Jehova Nyasaye.

Kwan 28:3

Wachnegi niya, ‘Misengini miwangʼo ne Jehova Nyasaye e magi: nyirombe ariyo ma jo-higa achiel maonge songa, kaka chiwo mapile mowangʼ odiechiengʼ kodiechiengʼ.

Jo-Hibrania 10:11

Jodolo mag jo-Yahudi duto chungʼ odiechiengʼ kodiechiengʼ mondo otim tich dolo, ka ginuoyo mana misango ma ok nyal golo richo.