Kwan 24:18 - Motingʼo Loko Manyien

¹⁸ Obiro loyo piny jo-Edom e lweny mi okaw; kendo Seir ma wasike, nokaw, to Israel nomed bedo motegno.

MUMA MALER 2015

¹⁸ Obiro loyo piny Edom e lweny, mi okaw kendo jo-Seir ma wasike nobed mage. Jo-Israel biro timo timbe chir.

Kwan 24:18 ပူးပေါင်းရင်းမြစ်များ

Chakruok 27:29

Mad oganda duto bed jotichni kendo ji duto omiyi duongʼ. Bed ruoth ewi oweteni duto kendo mad yawuot minu omiyi duongʼ. Ngʼato angʼata mokwedi mondo okwede kendo ngʼato angʼata mogwedhi nogwedhi.”

Chakruok 27:40

Ligangla ema nomiyi chiemo kendo inibed jatij owadu. To ka iyudo loch to iningʼanyne, kendo nia e bwo lochne.”

Chakruok 32:3

Jakobo nooro joote nyime ir owadgi Esau e piny Seir, gwengʼ mar Edom.

2 Samuel 8:14

Bangʼe noketo kambi askeche e piny Edom duto, mi jo-Edom nobedo e bwo loch Daudi. Kamoro amora ma Daudi nodhiye Jehova Nyasaye nomiye loch.

1 Ruodhi 11:14

Eka Jehova Nyasaye nomiyo Solomon obedo gi jasigu ma ne en Hadad ja-Edom mane owuok e dhood joka ruoth mar Edom.

1 Ruodhi 11:15

E kinde motelo kane Daudi kedo gi Edom, Joab mane jatend lweny mane odhi mondo oyik joma otho, nonego chwo duto mantie e Edom.

Zaburi 60:1

Yaye Nyasaye, isedagiwa mi imuomori kuomwa; isebedo ka ikecho kodwa, to koro loswa!

Isaya 34:5

Liganglana osetieko tichne e kor lwasi, neuru, olor mondo ongʼad bura ne Edom, oganda ma asetieko chuth.

Isaya 63:1

Ma en ngʼa mabiro koa Bozra dala maduongʼ mar Edom korwako lewni makwar mochido? Ma en ngʼa morwakore gi law duongʼ, kowuotho gi sunga nikech teko ma en-go? En an Jehova Nyasaye ema awuoyo gi tim makare makelo warruok.

Amos 9:11

“Chiengʼno anachung od Daudi mosepodho. Analos ohingane kod kuondene momukore duto. Anachak agere mi ochal kaka, ne entie chon,

Amos 9:12

mondo jo-Israel okaw jo-Edom modongʼ kaka margi kod ogendini mamoko maluongo nyinga,” Jehova Nyasaye mabiro miyo gima kamano timore ema owacho.

Obadia 1:2

“To neuru, abiro miyo udok matin e kind ogendini, bende ibiro chau ahinya.

Kwan 20:18

To Edom nodwoko niya, “Ok unyal luwo ka; ka utemo, to wabiro wuok riat kendo wamonju gi ligangla.”

Kwan 24:19

Jatelo noa e oganda joka Jakobo, kendo enotiek joma otony mag dala maduongʼ.”