Kwan 24:13 - Motingʼo Loko Manyien

¹³ ‘Kata bed ni Balak ne miya ode mar ruoth mopongʼ gi fedha gi dhahabu, to ne ok anyal timo gimoro amora gi pacha awuon mopogore gi chik Jehova Nyasaye bed ni ber kata rach?’

MUMA MALER 2015

¹³ ni kata dibed ni Balak dwaro miya fedha kod dhahabu duto manie ode, to ok anyal chayo chik Ruoth Nyasaye, ka atimo dwarona awuon, bed ni en gima ber kata gima rach, to abiro wacho mana gima Ruoth Nyasaye onyisa.

Kwan 24:13 ပူးပေါင်းရင်းမြစ်များ

1 Ruodhi 13:8

To ngʼat Nyasaye nodwoko ruoth niya, “Kata ne bed mana ni inyalo miya nus mwanduni duto ok anadhi kodi kata chamo chiemo kata modho pi ka.

1 Ruodhi 22:14

To Mikaya nowacho niya, “Akwongʼora gi nying Jehova Nyasaye mangima ni, anyalo mana nyise gima Jehova Nyasaye owachona.”

Kwan 16:28

Eka Musa nowacho niya, “Ma e kaka ubiro ngʼeyo ni Jehova Nyasaye ema noora mondo atim gigi duto kendo ni ne ok en pacha awuon:

Kwan 22:18

To Balaam nodwoko jotij Balak niya, “Kata ne bed ni Balak ne omiya kar dakne mopongʼ gi fedha gi dhahabu, to ok anyal timo gimoro amora maduongʼ kata matin makalo chik mar Jehova Nyasaye ma Nyasacha.

Kwan 22:20

Nyasaye nofwenyore ne Balaam otienono mowachone niya, “Nikech jogi obiro luongi, yie idhi kodgi, to kata kamano itim mana gima anyisi.”

Kwan 22:8

Balaam nowachonegi niya, “Ninduru ka kawuono kendo abiro miyou dwoko ma Jehova Nyasaye omiya.” Omiyo jotend jo-Moab nobedo kode.