Kwan 23:4 - Motingʼo Loko Manyien

⁴ Nyasaye nofwenyore ne Balaam kendo Balaam nowachone niya, “Aseloso kende abiriyo mag misango, kendo ewi kendo ka kendo asechiwe misango mar rwath kod im.”

MUMA MALER 2015

⁴ “Aseloso kende abiriyo mag misango kendo asechiwo rwath achiel gi im achiel e kendo ka kendo.” Balaam nowacho ni Balak niya, “Chung’ e bath misango misechiwo to an iweya adhi kenda. Kamoro dipo ka Ruoth Nyasaye ofwenyorena, kendo gimoro amora mowachona abiro nyisi.” Kamano nowuok modhi, kendo Nyasaye nofwenyorene

Kwan 23:4 ပူးပေါင်းရင်းမြစ်များ

Kwan 22:20

Nyasaye nofwenyore ne Balaam otienono mowachone niya, “Nikech jogi obiro luongi, yie idhi kodgi, to kata kamano itim mana gima anyisi.”

Kwan 22:9

Nyasaye nofwenyore ne Balaam mopenje niya, “Magi ngʼa gini man kodigi?”

Kwan 23:1

Balaam nowacho niya, “Gerna kende abiriyo mag misango ka, kendo ikna rwedhi abiriyo kod imbe abiriyo.”

Kwan 23:16

Jehova Nyasaye nofwenyore ne Balaam kendo nomiyo Balaam ote kowachone niya, “Dog ir Balak kendo imiye wachni.”

Kwan 23:3

Eka Balaam nowacho ne Balak niya, “Bed but misango ka, ka an to alengʼora e bathe ka; nimar sa moro dipo ka Jehova Nyasaye ofwenyorena. Gimoro amora monyisa to abiro nyisi.” Eka nowuok modhi kama otingʼore gi malo motwo.

Kwan 23:5

Jehova Nyasaye nomiyo Balaam ote kowachone niya, “Dog ir Balak kendo imiye wachni.”

Mathayo 20:12

kagiwacho ni, ‘Joma ne ondiki achien mogikgi osetiyo kuom sa achiel kende, to isemiyo gidoko marom kodwa, wan mwasetingʼo pek tich ka watiyo odiechiengʼ duto gi chiengʼ makech.’

Luka 18:12

Atweyo chiemo nyadiriyo e juma ka juma, kendo achiwo achiel kuom apar mar gigo duto manwangʼo.’

Johana 16:2

Giniriembu e sinagogi; chutho ndalo biro ma ngʼama nonegu notim kamano kaparo ni otiyo ni Nyasaye.

Jo-Rumi 3:27

Ere gima ngʼato disungrene? Onge gimoro nikech sunga osegol oko chuth. Ogole e yor timo gima chik dwaro koso? Ooyo, ogole e yor yie.

Jo-Efeso 2:9

ok kuom tich ngʼato maber, mondo mi ngʼato kik sungre.