Kwan 22:22 - Motingʼo Loko Manyien

²² To mirima nomako Nyasaye ahinya kane odhi, kendo malaika mar Jehova Nyasaye nochungʼ e yo mondo ogengʼne. Balaam noidho pundane, kendo jotijene ariyo bende ne ni kode.

MUMA MALER 2015

²² To kata kamano Ruoth Nyasaye nokecho nikech Balaam ne dhi, omiyo kane Balaam biro koidho kanje, ka en gi jotichne ariyo, malaika mar Ruoth Nyasaye nobiro mochung’ e nyime mondo ogeng’ne kik okadhi.

Kwan 22:22 ပူးပေါင်းရင်းမြစ်များ

2 Ruodhi 10:20

Jehu nowacho niya, “Timuru chokruok maduongʼ mar Baal.” Omiyo negilando wachno.

Wuok 23:20

“Neuru, aoro malaika nyimu mondo oritu e yo kendo mondo okelu kama aseikonu.

Wuok 4:24

E kinde mane Musa obuoro kamoro e kor yo, Jehova Nyasaye noromo kode kendo nochiegni nege.

Ywagruok 2:4

Oseywayo atungʼe mar kedo gi joge mana ka gima gin wasike. Kaka jasigu neko, osenego jogo duto mane nenore mabeyo e wangʼ, kendo oseolo mirimbe oko ka mach kuom hemb Nyar Sayun.

Hosea 1:4

Eka Jehova Nyasaye nowachone Hosea niya, “Chak nyathi nying ni Jezreel nikech achiegni kumo dhood Jehu kuom nek mane otimore Jezreel kendo adhi tieko pinyruoth mar Israel.

Kwan 22:23

Kane pundano oneno malaika mar Jehova Nyasaye kochungʼ e chuny yo kotingʼo ligangla e lwete, nobaro oko mar yo modhi e puodho. Balaam nogoye mondo oduog e wangʼ yo.

Kwan 22:32

Malaika mar Jehova Nyasaye nopenje niya, “Angʼo momiyo isechwado pundani nyadidek? Abiro mondo agengʼi nikech yoreni obam e nyima.

Kwan 22:35

Malaika mar Jehova Nyasaye nowacho ne Balaam niya, “Dhiyo adhiya gi jogi, to iwach mana gima awachoni.” Omiyo Balaam nodhi gi jodong Balak.