Kwan 21:6 - Motingʼo Loko Manyien

⁶ Eka Jehova Nyasaye noolo thuonde man-gi kwiri mager kuomgi; negikayo ji kendo jo-Israel mathoth notho.

MUMA MALER 2015

⁶ Eka Ruoth Nyasaye nooro thuonde man gi kwiri mager, mokayo jo-Israel kendo onego ji mang’eny.

Kwan 21:6 ပူးပေါင်းရင်းမြစ်များ

Isaya 14:29

Kik ubed gi mor un jo-Filistia duto ni luth mane ogougo osetur, nimar koa kuom thuondno nonywol thuond rachier ma kothe nobed gi kwiri marach.

Isaya 30:6

Ma e wach mane okor kuom le mag Negev: Kokadho e piny mar chandruok kod masira, motingʼo sibuoche machwo to gi mamon bende kama thuonde mag bungu kod thuonde maringo piyo odakie, jootegi tingʼo mwandugi e ngʼe punde kendo girkeni mag-gi otingʼ e kuom ngamia, kiterone oganda maonge ohala,

Jeremia 8:17

“Ne, anaor thuol man-gi kwiri e dieru, thuonde mager ma ok bo, kendo gini kau.” Jehova Nyasaye owacho.

Ezekiel 14:15

“Kata kapo ni aoro le mager e pinyno mi giweye maonge nyithindo, mi pinyno olokore thim motwo ma dhano ok nyal kadhoe nikech le magergo,

1 Jo-Korintho 10:9

Kik watem Ruoth, kaka moko kuomgi notimo, mi thuonde nonegogi.

Rapar mar Chik 8:15

Ne otelonu kokalo piny malach mar ongoro piny motwo maonge kata pi, motingʼo thuonde kwiri kod thomoni, ne omiyou pi koa e lwanda matek.