Kwan 20:15 - Motingʼo Loko Manyien

¹⁵ Kwerewa nodhi Misri, kendo negidak kuno kuom higni mathoth. Jo-Misri nosandowa kod wuonewa,

MUMA MALER 2015

¹⁵ kendo kaka kwerewa nodhi Misri, mi wasedak kuno kuom higni mang’eny. Jo-Misri nothagowa malit mana kaka ne githago kwerewa,

Kwan 20:15 ပူးပေါင်းရင်းမြစ်များ

Chakruok 15:13

Eka Jehova Nyasaye nowachone niya, “Ngʼe malongʼo ni nyikwayi nobed jodak e piny moro ma ok margi, kendo nolokgi wasumbini mi nosandgi malit kuom higni mia angʼwen.

Chakruok 46:6

Negikawo jambgi kod mwandugi mane giseyudo e piny Kanaan, kendo Jakobo kod nyikwaye duto nodhi Misri.

Chakruok 46:7

Nodhi Misri gi yawuote gi nyige kod nyikwaye ma yawuowi kod ma nyiri.

2 Samuel 12:18

To chiengʼ mar abiriyo nyathi notho, jotij Daudi ne luor nyise ni nyathi osetho, nikech negiparo niya, “Kane nyathi pod ngima, ne wawuoyo gi Daudi to ne ok owinjowa. Koro to wadhi wacho ne nangʼo ka nyathi osetho? Onyalo timo gimoro marach.”

Wuok 1:16

“Ka ucholo mond jo-Hibrania mi uneno ka onywolo nyathi ma wuowi, to negeuru, to ka en nyathi ma nyako, to kik unege.”

Wuok 1:22

Bangʼe Farao nogolo chik ne joge kowacho niya, “Nyathi ma wuowi moro amora monywol nyaka udir e aora Nael, to nyithindo ma nyiri to uwe odongi.”

Wuok 12:40

Jo-Israel nodak e piny Misri kuom higni mia angʼwen gi piero adek.

Wuok 5:14

Nyipeche ma jo-Israel mane jotich Farao oyiero nigoyo kipenjogi niya, “En angʼo mosemonou loso matafare ndalo ariyogi kaka uloso pile?”

Kwan 11:5

Mano kaka waparo rech mane wachamo Misri maonge chudo moro amora, bende waparo olembe mopogore opogore, kitungu kod kitungu marachar.

Kwan 16:13

Ok lichni ni isegolowa e piny mopongʼ gi chak kod mor kich mondo inegwa e thim? Kendo sani koro idwaro miyowa tingʼ mapek?

Kwan 20:14

Musa nooro joote moa Kadesh ir ruodh Edom, kowacho kama: “Ma e gima owadu Israel wacho: Ingʼeyo tije matek duto ma wasebedo godo.

Kwan 20:16

to kane waywakne Jehova Nyasaye, nowinjo ywakwa kendo nooro malaika mi ogolowa waa Misri. “Koro wan Kadesh ka, ma en dala mantiere but piny ma irito.

Tich Joote 7:15

Kuom mano Jakobo nodhi Misri, kuno ema kwerewa duto kaachiel gi en nothoe.

Tich Joote 7:19

Ruodhno nowuondo jowa mosando kwereu malit, ka ochunogi mondo giwit nyithindgi oko mondo otho.

Rapar mar Chik 26:6

To jo-Misri nosandowa mi omiyo wathagore ka giketowa e tich matek.