Kwan 2:3 - Motingʼo Loko Manyien

³ Koa yo wuok chiengʼ, migepe mag joka Juda nodag kanyo kaluwore gi rangʼiny moketi. Jatend Juda ne en Nashon wuod Aminadab.

MUMA MALER 2015

³ Koro magi e dhoudi ma nogur hembegi yo wuok chieng, e nyim Hemb Romo: Jo-Juda nobed e bwo bandech kambigi, kochan e ogendgi mag lweny. Jatendgi en Nashon wuod Aminadab.

Kwan 2:3 ပူးပေါင်းရင်းမြစ်များ

Chakruok 35:22

Kane oyudo Israel dak kuno, Reuben nodhi moterore gi Bilha jatich ma nyako mar wuon-gi mi Israel nowinjo wachno. Jakobo ne nigi yawuowi apar gariyo:

Chakruok 35:23

Yawuot Lea ne gin: Reuben wuod Jakobo makayo, Simeon, Lawi, Juda, Isakar kod Zebulun.

1 Weche mag Ndalo 2:10

Ram nonywolo Aminadab, to Aminadab nonywolo Nashon mane jatelo mar jo-Juda.

1 Weche mag Ndalo 5:2

Kata obedo ni Juda ema ne tek moloyo owetene kendo ruoth nowuok kuome, to duongʼ mar kayo ne mar Josef.

Wuok 6:23

Harun nokendo Elisheba nyar Aminadab ma bende nyamin Nashon, kendo nonywolone Nadab, Abihu, Eliazar kod Ithamar.

Kwan 1:5

“Magi e nying joma chwo mabiro konyi kweno: “koa kuom joka Reuben, kaw Elizur wuod Shedeur;

Kwan 1:7

koa kuom joka Juda, kaw Nashon wuod Aminadab;

Kwan 10:5

Ka turumbete oywak, to dhoudi mantie yo wuok chiengʼ nyaka chak wuoth.

Kwan 2:4

Migawo mar dhood Juda ne romo ji alufu piero abich gangʼwen gi mia angʼwen (74,600).

Kwan 3:38

Musa kod Harun gi yawuote nonego dagi yo wuok chiengʼ mar Hemb Romo. Tijgi ne en rito kama ler mar lemo e lo jo-Israel. Ngʼato angʼata mane osudo machiegni gi kama ler mar lemo nyaka ne negi.

Kwan 7:12

Ngʼatno mane okelo misango mare e odiechiengʼ mokwongo ne en Nashon wuod Aminadab moa e dhood Juda.

Kwan 7:17

kod rwedhi ariyo, imbe abich, nywogi abich kod nyiimbe abich mahikgi oromo higa achiel, nochiw kaka misango mar lalruok. Magi e misengini mane Nashon wuod Aminadab ogolo.

Mathayo 1:4

to Ram ne en wuon Aminadab. Aminadab ne en wuon Nashon, Nashon ne en wuon Salmon,

Ruth 4:20

Aminadab ne en wuon Nashon, Nashon ne en wuon Salmon,