Kwan 19:14 - Motingʼo Loko Manyien

¹⁴ “Chik momako ngʼama otho e hema ema: Ngʼato angʼata modonjo ei hema kendo ngʼato angʼata mantiere e iye nobed mochido kuom ndalo abiriyo,

MUMA MALER 2015

¹⁴ “Ka ng’ato otho e hema, to chik moketi e ma: Ng’ato ang’ata modonjo e hemano, kata ng’ato ang’ata manie hemano nobed mogak kuom ndalo abiriyo,

Kwan 19:14 ပူးပေါင်းရင်းမြစ်များ

Ezekiel 39:12

“ ‘Kuom dweche abiriyo, oganda mar Israel nobed modich ka ikogi mondo eka gipwodh piny.

Ezekiel 44:26

Ka osepwodhore, to nyaka orit kuom ndalo abiriyo.

Tim jo-Lawi 14:54

Magi e chike kuom tuoche malandore mag del, kod tuoche mailo del,

Tim jo-Lawi 15:32

Magi e chike momako dichwo ma dende chwer kata mobet mogak nikech wuok mar nyote,

Tim jo-Lawi 21:1

Jehova Nyasaye nowacho ne Musa niya, “Wuo kod jodolo ma yawuot Harun, kendo iwachnegi ni: ‘Kik jadolo tim gimoro ne ringre jadhodgi moro amora motho ma dimi obed mogak,

Tim jo-Lawi 21:11

Jadolono ok oyiene donjo e ot ma ngʼato othoe. Kik obed mogak kata bedni ngʼatno en wuon mare kata min mare,

Kwan 19:13

Ngʼato angʼata momulo ringre ngʼama otho kendo ma ok opwodhore owuon ochido hekalu mar Jehova Nyasaye. Ngʼatno nyaka gol oko mar Israel. Nikech pi mar pwodhruok pod ok okir kuome, ochido; kendo chidono odongʼ kuome.

Kwan 19:15

kendo mikebe moro amora maonge raum moumego nobed mochido.

Kwan 31:20

Pwodhuru lewni duto kaachiel gi gimoro amora molos gi pien, molos gi yie diel kata mago molos gi bao.”

Kwan 5:2

“Mi jo-Israel chik mondo oriemb ngʼato angʼata man-gi tuo mar del kata man-gi tuo magolo tutu kata ngʼat ma ok ler nikech osemulo ringre ngʼama otho.

Kwan 6:6

“ ‘E thuoloni duto ma en e bwo singruok mar bedo tenge ne Jehova Nyasaye, ok onego osud machiegni gi ringre ngʼama otho.

Kwan 6:9

“ ‘Ka dipo ni ngʼato otho bute, mi yie wiye mosewal ogak, to nyaka oliel yie wiyeno chiengʼ mar abiriyo mipwodhee.

Kwan 9:6

To jomoko kuomgi ne ok obedo e nyasi mar Pasaka e odiechiengʼno nikech negibedo mogak bangʼ mulo ringre joma otho. Omiyo negibiro ir Musa kod Harun mana godiechiengno