Kwan 18:31 - Motingʼo Loko Manyien

³¹ Un kod jouteu duto unyalo chamo bathe moko kamoro amora, nimar en pok maru ne tich mutiyo e Hemb Romo.

MUMA MALER 2015

³¹ Unyalo chamogi kamoro amora gi joodu. En e pok muyudo kuom tiyo e Hemb Romo.

Kwan 18:31 ပူးပေါင်းရင်းမြစ်များ

Kwan 18:30

“Wachne jo-Lawi kama: ‘Ka ichiwo mano maber, to ibiro kwane ne in kaka gima oa e kar dino cham kata kar biyo divai.

Kwan 18:32

Ka usegolone Jehova Nyasaye gik mabeyo moloyo kamano, to ok unubed joketho kuom wachno, kendo ok nobed ni udwanyo gik maler ma jo-Israel ochiwo kendo ok ubi tho.’ ”

Mathayo 10:10

bende kik utingʼ ofuku mar wuoth, kata law machielo miloko, kata opato, kata ludh wuoth; nikech jatich owinjore yud chiembe kuom ngʼama otiyone.

Luka 10:7

Beduru e odno, ka uchamo kendo umadho gimoro amora ma gimiyou, nimar jatich owinjore gi pokne. Kik uwuothi ka ua e ot ka ot.

2 Jo-Korintho 12:13

En angʼo mane atimo ni kanisni mamoko mane ok atimonu, makmana ni un ne ok amiyou tingʼ mapek mar konya? Ka dipo ni mano ne rachnu to mondo uwena!

Jo-Galatia 6:6

Ngʼat mipuonjo Kristo nyaka pogne japuonjne gik moko duto mabeyo.