Kwan 18:26 - Motingʼo Loko Manyien

²⁶ “Wuo gi jo-Lawi kendo iwachnegi kama: ‘Ka uyudo koa kuom jo-Israel achiel kuom apar ma amiyou kaka girkeni magu, to nyaka un bende ugol achiel kuom apar mar achiel kuom aparno kaka chiwo ne Jehova Nyasaye.

MUMA MALER 2015

²⁶ “Nyis jo-Lawi kama, “Ka jo-Israel chiwonu achiel kuom apar mag mwandugi, ma amiyou ka poku, to un bende nyaka uchiw ni Ruoth Nyasaye achiel kuom apar mag gigo.

Kwan 18:26 ပူးပေါင်းရင်းမြစ်များ

Nehemia 10:38

Jadolo moa e anywola Harun nyaka dhi gi jo-Lawi sa ma gikawo achiel kuom apar, to jo-Lawi nyaka kel achiel kuom apar mar achiel kuom aparno e kuonde keno mag od Nyasachwa.

Nehemia 10:39

Jo-Israel kaachiel gi jo-Lawi, nyaka kel chiwo margi mar cham, divai manyien kod mo nyaka e kar keno kama gigo mag kama ler mar lemo ikanoe kendo kama jodolo, jorit dhorangeye kod jower odakie. “Ok wanajwangʼ od Nyasachwa.”

Kwan 15:21

E tienge duto mabiro nyaka ugol misangoni ne Jehova Nyasaye koa e nyak mokwongo mar lopi.

Kwan 18:21

“Amiyo jo-Lawi achiel kuom apar duto mantiere e Israel kaka girkeni margi ka achulogigo kuom tich ma gitiyo e Hemb Romo.

Kwan 18:25

Jehova Nyasaye nowacho ne Musa niya,

Kwan 18:27

Chiwouno nokwan kaka cham moa kar dino kata kaka divai mimadho moa kar biyo divai.

Jo-Hibrania 7:5

Wangʼeyo ni chik dwaro ni mondo nyikwa Lawi ma gin joma tiyo tij dolo ema ochoki achiel kuom apar kuom ogandagi, ma gin owetegi, kata obedo ni owetegigo bende gin nyikwa Ibrahim.