Kwan 16:7 - Motingʼo Loko Manyien

⁷ kendo kiny umok mach kod gima dungʼ tik mangʼwe ngʼar e nyim Jehova Nyasaye. Ngʼatno ma Jehova Nyasaye oyiero ema nobed ngʼama ler. Un jo-Lawi usekalo tongʼ!”

MUMA MALER 2015

⁷ uket mach e igi, mi uolie ubani e nyim Ruoth Nyasaye. Ng’at ma kiny Ruoth Nyasaye oyiero e ng’at mowalne. Un ema uhedhoru moloyo, un jo-Lawi!”

Kwan 16:7 ပူးပေါင်းရင်းမြစ်များ

Zaburi 106:16

Nyiego nomakogi gi Musa e kambi, kendo gi Harun, jatich mowal ni Jehova Nyasaye.

Kwan 16:3

Negibiro kaka oganda achiel mochokore mondo giked gi Musa kod Harun kendo negiwachonegi niya, “Usetimo mokalo tongʼ! Oganda duto ler, ngʼato ka ngʼato kuomgi, kendo Jehova Nyasaye ni kodgi. En angʼo momiyo koro uketoru malo moloyo oganda mar Jehova Nyasaye?”

Kwan 16:5

Eka nowacho ne Kora kod jolupne duto niya, “Kochopo gokinyi Jehova Nyasaye noyier joma oyie kuome kendo maler, kendo norwak ngʼatno obi bute.

Kwan 16:6

To in, Kora, kod joma luwou duto nyaka tim ma: Kawuru ubani

Kwan 16:8

Musa bende nowacho ne Kora niya, “Koro Winjuru, un jo-Lawi!

Jo-Efeso 1:4

Kane pok ochwe piny, noyierowa kuom Kristo mondo wabed maler kendo maonge songa e nyime.

2 Jo-Thesalonika 2:13

Owetewa ma Ruoth ohero, onego wadwokne Nyasaye erokamano kinde duto ka waparou nikech Nyasaye noyierou nyaka aa chakruok mondo owaru komiyo ngimau doko maler kuom teko mar Roho Maler kaachiel gi yie muyiego kuom adiera.

1 Petro 2:9

Un to un jogo moyier. Un jodolo ma joka Ruoth kendo un oganda maler mar Nyasaye mane oyiero mondo ohul tijene miwuoro, kane oluongou mi ua e mudho kendo udonjo e lerne miwuoro.