Kwan 13:30 - Motingʼo Loko Manyien

³⁰ Eka Kaleb nokwero ji mondo olingʼ e nyim Musa kendo nowacho niya, “Wadhiuru kendo wakaw pinyno, nimar wanyalo kawe.”

MUMA MALER 2015

³⁰ To Kaleb nokwayo ji e nyim Musa mondo oling’, kowacho niya, “Wadhiuru piyopiyo mondo wakaw pinyno, nikech wan gi teko mwanyalo kawego.”

Kwan 13:30 ပူးပေါင်းရင်းမြစ်များ

Zaburi 60:12

Wabiro loyo lweny ka Nyasaye nikodwa, kendo obiro nyono wasikwa piny.

Kwan 13:29

Jo-Amalek odak Negev; jo-Hiti, jo-Jebus kod jo-Amor odak e piny manie got; to jo-Kanaan odak machiegni gi dho nam e alwora mar Jordan.”

Kwan 13:31

To joma nodhi kode kuno nowacho niya, “Ok wanyal monjo jogo; gitek moloyowa.”

Kwan 14:24

To nikech jatichna Kaleb nigi chuny mopogore kod mag-gi kendo ma luwa gi chunye duto, abiro tere e piny mane odhiyoeno, kendo nyikwaye nokaw pinyno kaka girkeni margi.

Kwan 34:19

“Kendo magi e nying-gi: “e dhood Juda, en Kaleb wuod Jefune;

Jo-Rumi 8:31

Koro en angʼo ma wanyalo wacho kuom wachni? Ka Nyasaye en jakorwa, to en ngʼa ma diked kodwa mi lowa?

Jo-Rumi 8:37

Ooyo, ewi gigi duto wan joloch moloyo nikech Nyasaye mane oherowa.

Jo-Filipi 4:13

Anyalo timo gik moko duto kuom Kristo mamiya teko.

Jo-Hibrania 11:33

Yie ema nomiyo giloyo pinjeruodhi kendo girito ji gi bura makare, mi giyudo gik ma Nyasaye nosingo. Ne giumo dho sibuoche,