Kwan 12:14 - Motingʼo Loko Manyien

¹⁴ Jehova Nyasaye nodwoko Musa niya, “Ka wuon-gi ne nyalo ngʼudho olawo e wangʼe, donge dine obedo gi wichkuot kuom ndalo abiriyo? Wale obed tenge kuom ndalo abiriyo; bangʼ mano inyalo duoge e kambi.”

MUMA MALER 2015

¹⁴ Ruoth Nyasaye nodwok niya, “Ka da bed ni wuon mare ema ong’udho olawo e wang’e, donge da obedo gi wichkuot kuom ndalo abiriyo? Kuom mano keteuru kar kende oko mar kambi kuom ndalo abiriyo, eka mondo oduoge.”

Kwan 12:14 ပူးပေါင်းရင်းမြစ်များ

2 Ruodhi 15:5

Jehova Nyasaye nogoyo ruoth gi dhoho nyaka chiengʼ thone, kendo nodak e ot kar kende. Jotham wuod ruoth ema ne rito dala ruoth kendo norito piny.

Ayub 17:6

“Nyasaye osemiyo abedo ngʼama ji duto goyo ngero kendo ma ka ji oneno to ngʼudho kuome olawo.

Ayub 30:10

Gisin koda kendo ok gidwara butgi; ok lich negi kata ka gingʼulo olawo e wangʼa.

Isaya 50:6

Ne achiwora ne joma goya, ne joma pudho yie tika; kendo ne ok apando wangʼa ne joma nyiera kendo ngʼulo kuoma olawo.

Tim jo-Lawi 13:4

Ka kido mantiere e piene en rachar to ok onenre ni odonjo ei ringʼo kendo yier manie iye pok olokore rachar, to jadolo nyaka ket ngʼat man-gi tuono kar kende kuom ndalo abiriyo.

Tim jo-Lawi 14:8

“Ngʼat ma ipwodhono nyaka luok lepe, kendo noliel yie dende duto, bangʼe nolwokre gi pi, eka nobed ngʼama opwodhore. Bangʼ mae eka oyiene mar donjo ei kambi to ok oyiene mondo onindi ei hema nyaka chop bangʼ ndalo abiriyo.

Kwan 5:1

Jehova Nyasaye nowacho ne Musa niya,

Mathayo 26:67

Eka ne gingʼulo olawo e lela wangʼe, kendo negigoye ngum. Jomoko to nopame,

Rapar mar Chik 25:9

chi owadgino nodhi ire e nyim jodongo mi olony wuochene achiel e tiende kendo ongʼudh olawo e wangʼe kowachone niya, “Ma e gima itimo ne ngʼat modagi rito dala owadgi mondo ochungi.”

Jo-Hibrania 12:9

Waduto wan gi wuonewa e piny ka ma kumowa to eka pod wamiyogi mana luor. Koro donge onego wawinj Wuonwa mar chuny moloyo, mondo eka wabed mangima?