Kwan 11:8 - Motingʼo Loko Manyien

⁸ Ji ne wuok gokinyi michok manna-go bangʼe giregogi e pongʼ lwedo kata yokogi e pany. Ne gitedogi e agulu kata dwalogi ka ngʼama dwalo makati. Bende ne gichalo gimoro molos gi mo zeituni.

MUMA MALER 2015

⁸ Ji ne kwanyogi kendo regogi e pong’ lwedo, kata yokogi e pany, eka ne gitedogi e agulu, kendo gilosogo kek. Ka ichame, to ndhathe chalo gi ndhath kek moted gi mo.

Kwan 11:8 ပူးပေါင်းရင်းမြစ်များ

Chakruok 25:29

Chiengʼ moro kane Jakobo tedo ogira, Esau nodonjo koa e dwar kodenyo.

Wuok 16:23

Eka nowachonegi kama, “Ma e gima Jehova Nyasaye ochiko, ‘Kiny en odiechieng yweyo, ma en Sabato maler mowal ne Jehova Nyasaye. Teduru mago mudwaro tedo kendo bokuru mago mudwaro boko, to modongʼ to ukan nyaka kiny.’ ”

Wuok 16:31

Oganda jo-Israel noluongo makatino ni manna nikech nochalo gi kodhi matindo tindo marachere, kendo ne en gi ndhandhu machal gi kek moted gi mor kich.

Kwan 11:7

Manna-no ne chalo gi kothe matindo tindo marachere kendo ma kitgi ne chalo gi duogo.

Kwan 11:9

Kane thoo omako kambi gotieno, to manna bende ne lwar piny.

Johana 6:27

Weuru tiyo ni chiemo marumo, to tiuru ni chiemo masiko nyaka chop uyud ngima mochwere, ma Wuod Dhano biro miyou. Nyasaye Wuoro oseketo kido mare kuome manyiso ni oyie kode.”

Johana 6:31

Kwerewa nochamo manna e thim; mana kaka ondiki ni, ‘Nomiyogi chiemo moa e polo mondo gicham.’”