Kwan 11:31 - Motingʼo Loko Manyien

³¹ Eka Jehova Nyasaye notugo yamo mokelo aluru koa e nam. Yamo nokelogi ma gichokore e alwora mar kambi madirom fut adek koa piny, kendo kama ne gichokoreno ne nyalo romo wuoth mar ndalo achiel.

MUMA MALER 2015

³¹ Ruoth Nyasaye notugo yamo, mokelo aluru koa yo podho chieng’, kendo alurugo ne huyo gi piny maromo mita achiel koa e lowo, e bath kambi koni gi koni, kuma bor ma dirom wuodh ndalo achiel koa e kambi.

Kwan 11:31 ပူးပေါင်းရင်းမြစ်များ

Zaburi 105:40

Kane gikwaye, to nokelonegi aluru kendo noyiengʼogi gi makati mar polo.

Zaburi 106:15

Omiyo ne omiyogi gima negidwaro, to kata kamano nooronegi tuo machiyo del.

Zaburi 135:7

Omiyo boche wuok koa e tungʼ piny koni gi koni, kendo ooro mil polo ka koth chue, bende okelo yamo kogolo e utege mokanogie.

Wuok 10:13

Kuom mano Musa norieyo ludhe e piny Misri, kendo Jehova Nyasaye nomiyo yamb wuok chiengʼ okudho matek e pinyno odiechiengno kod otienono duto. Kane ochopo gokinyi, yamono nokelo bonyo;

Wuok 10:19

Kendo Jehova Nyasaye noloko kudho mar yamo mi yamb podho chiengʼ nokudho matek, bende yamono nochoko bonyo duto mi otero e Nam Makwar. Onge bonyo moro amora mane odongʼ e piny Misri.

Wuok 15:10

Kane ikudho muchi kende, to nam noimogi. Ne ginimo ka chuma e apaka maduongʼ.

Wuok 16:13

Odhiambono, aluru nobiro moimo kambi kendo gokinyi ne nitie thoo momoko koluoro kambi.

Kwan 11:30

Eka Musa kod jodong Israel nodok e kambi.