Kwan 10:35 - Motingʼo Loko Manyien

³⁵ Pile kane gisechako wuoth gi Sandug Muma, Musa ne wacho niya, “Yaye Jehova Nyasaye, aa malo! Mad wasiki okee; kendo jomamon kodi oringi oa e nyimi!”

MUMA MALER 2015

³⁵ Pile kane Sanduk chako wuoth, Musa ne wacho niya, “A Ruoth Nyasaye, a malo, mondo wasiki oke, kendo joma mon kodi oringi!”

Kwan 10:35 ပူးပေါင်းရင်းမြစ်များ

Zaburi 132:8

‘Aa malo, yaye Jehova Nyasaye, aa malo ibi kari mar yweyo, in kaachiel gi Sandug Muma ma en kido mar tekoni.

Zaburi 3:8

Resruok aa mana kuom Jehova Nyasaye. Mad igweth jogi. Sela

Zaburi 9:19

Aa malo, yaye Jehova Nyasaye, kik iyie mondo dhano olochi; ne ni ogendini ongʼadnegi bura e nyimi.

Zaburi 94:16

En ngʼa mabiro radona gi joma timbegi richo? Ngʼatno mabiro chwaka kakedo gi joricho?

Isaya 51:9

Aa malo, Aa malo! Jiw badi motegno, yaye Jehova Nyasaye; aa malo kendo ijiwri, mana kaka ne ijiwori chon e ndalo mokadho. Donge in ema nitieko ondiek nam miluongo ni Rahab, mingʼado matindo tindo?

Rapar mar Chik 32:41

kendo ka asepiago liganglana mamil, to anakum jogo mochaya, kendo ka asechako ngʼado bura to anachul kuor ne wasika.

Rapar mar Chik 7:10

To jogo mochaye obiro kumo motiekgi mana ka gineno, adier ok obi deko ma ok okumo jogo mochaye.

1 Samuel 4:3

Kane jolweny odwogo e kambi, jodong Israel nopenjogi niya, “Angʼo momiyo Jehova Nyasaye oseweyo jo-Filistia oloyowa kawuononi? Waomuru Sandug Muma mar Singruok mar Jehova Nyasaye man Shilo, mondo odhi kodwa kendo oreswa e lwet wasikwa.”