Kwan 1:22 - Motingʼo Loko Manyien

²² Koa kuom nyikwa Simeon: Chwo duto mahikgi piero ariyo kadhi nyime moromo tiyo e lweny nondik nying-gi, achiel kaachiel, kaluwore gi nonro mar dhoodgi kod anywolagi.

MUMA MALER 2015

²² Jo-Simeon e utgi kaluwore gi kweregi, kindiko nying ng’ato ka ng’ato ma dichwo ma hike oseromo piero ariyo kata mokadho kanyo moromo dhi e lweny,

Kwan 1:22 ပူးပေါင်းရင်းမြစ်များ

Chakruok 29:33

Nochako omako ich, monywolo wuowi moro. Nowacho niya, “Jehova Nyasaye osemiya wuowi machielo nimar nowinjo ka chwora ok ohera.” Omiyo nochake ni Simeon.

Chakruok 42:24

Kane Josef owuok irgi, noywak ahinya, bangʼe noduogo irgi mochako wuoyo kodgi. Nokawo Simeon mi otweye e nyimgi ka gineno.

Chakruok 46:10

Yawuot Simeon ne gin: Jemuel, Jamin, Ohad, Jakin, Zohar kod Shaul mane wuod nyar Kanaan.

Zaburi 144:1

Pak obed ni Jehova Nyasaye ma en Lwandana, pakeuru en motego lwetena ne lweny, kendo en momiyo lith lwetena bedo mongʼith e kedo.

Kwan 1:21

Kar romb joka Reuben ne gin ji alufu piero angʼwen gauchiel gi mia abich (46,500).

Kwan 1:23

Kar romb joka Simeon ne gin ji alufu piero abich gochiko gi mia adek (59,300).

Fweny 7:7

Koa dhood Simeon ji alufu apar gariyo (12,000), Koa dhood Lawi ji alufu apar gariyo (12,000), Koa dhood Isakar ji alufu apar gariyo (12,000),