Jo-Rumi 8:14 - Motingʼo Loko Manyien

¹⁴ Jogo michiko gi Roho mar Nyasaye gin nyithind Nyasaye.

MUMA MALER 2015

¹⁴ Ji duto ma Roho mar Nyasaye otelonigi gin nyithind Nyasaye.

Jo-Rumi 8:14 ပူးပေါင်းရင်းမြစ်များ

Zaburi 143:10

Puonja timo dwaroni, nimar in e Nyasacha; mi mondo Roho mari maber, otelna e yo mopie.

Ngeche 8:20

Awuotho e yo mobidhore makare, e yore mag bura makare,

Hosea 1:10

“To kata obedo kamano, jo-Israel nobed mathoth ka kwoyo manie dho nam ma ok nyal pim kata kwano. Kama ne owachnegi ni, ‘Ok un joga,’ ibiro luongogi ni ‘yawuot Nyasaye mangima.’

Mathayo 5:9

Joma kelo kwe gin joma ogwedhi, nimar noluong-gi ni nyithind Nyasaye.

Johana 1:12

To ji duto mane orwake, mi oyie kuome, nomiyogi teko mar doko nyithind Nyasaye,

Jo-Rumi 8:19

Chwech duto rito gi geno chiengʼ ma nyithind Nyasaye nofwenyre.

Jo-Rumi 8:5

Joma odak kaka ringruok dwaro oketo pachgi kuom gik ma ringruok dwaro, to joma odak kaka Roho dwaro, oketo pachgi kuom Roho.

Jo-Rumi 8:9

To kata kamano, un ok chiku gi kido mar richo, to Roho ema chikou, ka en adier ni Roho mar Nyasaye odak eiu. Kendo ka ngʼato onge gi Roho mar Kristo ok en ngʼat Kristo.

Jo-Rumi 9:26

kendo niya, “Kama ne owachnegi ni, ‘Ok un joga,’ kanyo ema ibiro luongogi ni ‘yawuot Nyasaye mangima.’ ”

Jo-Rumi 9:8

Ma nyiso ni nyithind ringruok ok ema nyithind Nyasaye, to mana nyithind singruok ema ikwano kaka koth Ibrahim.

2 Jo-Korintho 6:18

Kendo, “Anabed Wuonu, to unubed yawuota gi nyiga, Jehova Nyasaye Maratego ema owacho.”

Jo-Galatia 3:26

Un duto un nyithind Nyasaye nikech uyie kuom Kristo Yesu,

Jo-Galatia 4:5

mondo ores joma Chik otweyo, eka mondo wadok nyithind Nyasaye machamo mwandune.

Jo-Galatia 4:6

To nikech un nyithind Nyasaye, Nyasaye oseoro bende Roho mar Wuode e chunywa. Roho maywakne Nyasaye niya, “Abba! Wuora.”

Jo-Galatia 5:16

Omiyo akwayou ni mondo uwuothi kuom Roho, eka ok ubi timo gik ma ringreu dwaro.

Jo-Galatia 5:18

To ka Roho ema otelonu, to koro ok un e bwo Chik.

Jo-Efeso 1:5

Kuom herane, nowalowa chon mondo wabed yawuote kuom Yesu Kristo nikech mano ema ne chenrone kod dwarone.

Jo-Efeso 5:9

(nikech gima olemo mar ler nyago otingʼo gik mabeyo duto, gi gik makare kod gik ma adier),

1 Johana 3:1

Mano kaka hera ma Wuoro oherowago duongʼ kuom luongowa ni nyithind Nyasaye. Kendo mano e gima wan! Gimomiyo piny, ok ongʼeyowa en nikech piny ne ok ongʼeye.

1 Johana 3:24

Joma orito chike Nyasaye ni kuome to en bende en kuomgi. To ma e kaka wangʼeyo ni Nyasaye odak eiwa: Wangʼeyo nikech Roho ma osemiyowa.

Fweny 21:7

Ngʼat molocho noyud gigi duto kaka girkeni, kendo anabed Nyasache, to enobed wuoda.