Jo-Rumi 7:12 - Motingʼo Loko Manyien

¹² Omiyo Chik ler, kendo chike moketi bende ler, kendo nikare, to kendo ber.

MUMA MALER 2015

¹² Kuom mano, Chik Musa en gima ler, kendo chike moting’o bende ler, kendo kare, kendo beyo.

Jo-Rumi 7:12 ပူးပေါင်းရင်းမြစ်များ

Nehemia 9:13

“Ne ilor e Got Sinai; mane iwuoyo kodgi gie polo. Ne imiyogi puonj kod chike makare kendo madiera kendo ne imiyogi puonj maber.

Zaburi 119:127

Nikech ahero chikeni moloyo dhahabu, kendo moloyo dhahabu maler mogik,

Zaburi 119:137

In ngʼat makare, yaye Jehova Nyasaye, kendo chikeni nikare.

Zaburi 119:140

Singruok magi osetem maber chuth, omiyo jatichni oherogi.

Zaburi 119:172

Mad lewa wer kuom wachni, nimar chikegi duto nikare.

Zaburi 119:38

Chop singruok mari ne jatichni, mondo ji oluori.

Zaburi 119:86

Chikeni duto inyalo geno; omiyo yie ikonya, nikech ji sanda maonge gima omiyo.

Jo-Rumi 12:2

Kik koro ulu kit ngima pinyni, to lokreuru ka parou doko manyien pile, eka unubed gi nyalo mar pimo kendo ngʼeyo dwach Nyasaye, ma en dwache maber, mowinjore kendo malongʼo chuth.

Jo-Rumi 3:31

Koso uparo ni ka wapuonjo yie kamano, to wamiyo Chik bedo maonge gi tich? Ooyo, ok kamano ngangʼ! Koro eka waketo Chik bedo motegno.

Jo-Rumi 7:14

Wangʼeyo ni Chik en gir chuny; to an ngʼat ringruok, kendo richo osengʼiewa moloka misumbane.

Jo-Rumi 7:16

Koro ka atimo gik ma ok adwar, to mano nyiso ni Chik ber.

Rapar mar Chik 10:12

To koro sani, yaye Israel, en angʼo ma Jehova Nyasaye ma Nyasachu dwaro makmana miye luor kendo wuotho e yorene kendo hero tiyone gi chunyu duto kod ngimau duto.

Rapar mar Chik 4:8

Kara ere oganda machielo maduongʼ man kod buche gi chike makare machal gi chike mamiyou kawuononi?

1 Timotheo 1:8

Wangʼeyo ni chik ber mana ka ngʼato konyore kode e yo mowinjore.