Jo-Rumi 6:18 - Motingʼo Loko Manyien

¹⁸ Osewenu richou mi koro udoko wasumbini ni tim makare.

MUMA MALER 2015

¹⁸ Ne ogonyu e tuech richo, mi udoko wasumb tim makare.

Jo-Rumi 6:18 ပူးပေါင်းရင်းမြစ်များ

Zaburi 116:16

Yaye Jehova Nyasaye, an jatichni adier; an jatichni, ma wuod jatichni ma nyako; isegonya mi igola e nyorochena.

Zaburi 119:32

Yor chikeni ema aringe, nimar isegonyo chunya.

Zaburi 119:45

Abiro wuotho ka an thuolo, nimar chikeni ema asebedo ka amanyo.

Isaya 26:13

Yaye Jehova Nyasaye ma Nyasachwa, ruodhi mamoko ma ok in osetiyowa, makmana nyingi kende ema wamiyo luor.

Isaya 54:17

onge gige lweny molosi ne in mano hinyi, kendo inilo buche duto modonjnie. Ma e pok ma jotich Jehova Nyasaye yudo, kendo ma bende e gweth ma asemiyou,” Jehova Nyasaye owacho.

Luka 4:18

“Roho mar Jehova Nyasaye ni kuoma, nikech osewira moyiera, mondo ayal Injili ne joma odhier. Oseora mondo aland ne joma otwe ni gin thuolo, kendo ni muofni ni oyaw wengegi, ne joma isando ni ogonygi,

Johana 8:32

Kutimo kamano, to ubiro ngʼeyo adiera kendo adiera nomi ubed thuolo.”

Johana 8:36

Omiyo ka Wuowi ema omiyo ubedo thuolo, to ubiro bedo thuolo chutho.

Jo-Rumi 6:14

Nimar richo koro ok nobed gi loch kuomu, nikech koro ok un e bwo chik, to un e bwo ngʼwono.

Jo-Rumi 6:22

To ka koro osegonyu kuom richo mi ubedo wasumbini mag Nyasaye, ohala muyudo kelo ngima maler ma gikone en ngima mochwere.

Jo-Rumi 6:7

nikech ngʼato angʼata mosetho osegony kuom richo.

Jo-Rumi 8:2

nikech kuom Kristo Yesu Chik mar Roho mar ngima osegonye kuom Chik mar richo kod tho.

Jo-Galatia 5:1

Kristo nogonyowa mondo wabed joma ni thuolo. Omiyo chungʼuru motegno, kendo kik uyie tingʼ mapek kurwako jok mar wasumbini kendo.

1 Petro 2:16

Daguru ka joma ni thuolo, to kik uti gi thuolo ma un-go obed gima uumogo richou, daguru kaka jotich Nyasaye.