Jo-Rumi 3:20 - Motingʼo Loko Manyien

²⁰ Kuom mano, onge ngʼama noket kare e nyime kuom timo gik ma Chik owacho, to kuom Chik ema dhano ngʼeyoe kethone.

MUMA MALER 2015

²⁰ Onge ng’ama nyalo bet e winjruok gi Nyasaye nikech osemako Chik, nimar tich Chik en mana miyo dhano ng’eyo ni oseketho.

Jo-Rumi 3:20 ပူးပေါင်းရင်းမြစ်များ

Ayub 15:15

Ka Nyasaye ok ogeno kata malaika mage, kendo kata mana polo bende ok ler e nyime,

Zaburi 130:3

Yaye Jehova Nyasaye, ka dine bed ni isiko iparo richo, ma ji timo, yaye Jehova Nyasaye, to en ngʼa ma dichungʼ e nyimi ka ok bura oloyo?

Zaburi 143:2

Kik imi jatichni yud kum nimar onge kata ngʼato achiel matimo maber e nyimi.

Tich Joote 13:39

Kuome ema ngʼato angʼata moyie iketo kare mi gony kuom gimoro amora ma Chik Musa ne ok nyal gonyoe ngʼato.

Jo-Rumi 2:13

Ok mana joma ongʼeyo Chik ema nikare e nyim Nyasaye, to makmana jogo matimo gima chik dwaro ema ibiro keto kare.

Jo-Rumi 3:28

Nikech gima wangʼeyo en ni ngʼato iketo kare kuom yie to ok kuom rito Chik.

Jo-Rumi 4:13

Nikech singruok mane omi Ibrahim ni piny nobed mare, ne ok obirone kata ne kothe kuom chik, to nobiro kuom tim makare mar yie.

Jo-Rumi 4:15

nikech Chik kelo mirimb Nyasaye. To kama Chik onge, ketho chik bende onge.

Jo-Rumi 5:13

chutho richo ne ni e piny kane pok Chik obetie. To richo ok kwan kaka richo ka Chik onge.

Jo-Rumi 5:20

To Chik nomedi mondo richo omedre. To kama richo nomedoree, ngʼwono nomedoree moloyo,

Jo-Rumi 7:11

Nimar richo nokawo thuolo mane chik okelo, mowuonda, kendo okonyore gi chikno mondo onega.

Jo-Rumi 9:32

Kamano nangʼo? Nikech ne ok gidware kuom yie, to ne gidware ka giparo ni iyude kuom tim. Negichwanyore e kidi mar chwanyruok.

1 Jo-Korintho 15:56

Lit mar tho en richo, to teko mar richo en chik.

Jo-Galatia 2:16

wangʼeyo ni dhano ok nyal ket kare kuom mako Chik, to mana kuom yie kuom Yesu Kristo. Omiyo kata mana wan bende waseketo yiewa kuom Kristo Yesu, mondo eka oketwa kare kuom yie kuom Kristo, to ok kuom mako chik, nikech onge ngʼama ibiro ket kare nikech mako chik.

Jo-Galatia 2:19

“Nikech korka chik to ne asetho kuom chik mondo eka abed mangima ne Nyasaye.

Jo-Galatia 5:4

In mitemo bet e winjruok gi Nyasaye kuom mako chik, ngʼeni isepogori gi Kristo; kendo isea kuom ngʼwono mar Nyasaye.

Jo-Hibrania 7:19

(nikech chik ne ok nyal keto gimoro kare), kendo koro osekelnwa geno manyien maber moloyo chik machon-no, kendo kuom genono wasudo machiegni gi Nyasaye.