Jo-Rumi 2:18 - Motingʼo Loko Manyien

¹⁸ Iwacho ni ingʼeyo gima Nyasaye dwaro, kendo inyalo pogo gima ber moloyo nikech isepuonjori chik.

MUMA MALER 2015

¹⁸ Iwacho ni osepuonji Chik, omiyo ing’eyo gima Nyasaye dwaro mondo itim, kendo inyalo pogo gik makare gi gik maricho.

Jo-Rumi 2:18 ပူးပေါင်းရင်းမြစ်များ

Zaburi 119:130

Wachni koler tiende to kelo ler, omiyo joma riekogi tin bedo gi winjo.

Zaburi 19:8

Chike mag Jehova Nyasaye nikare, gichiwo mor ne chuny. Chike mag Jehova Nyasaye rieny, gichiwo ler ne wangʼ.

Ngeche 6:23

Nikech chikegi gin taya, to puonjni en ler, kendo kwer mikwerogo ngʼato kuom gima otimo marach kelo mana ngima,

Luka 1:4

mondo ingʼe adier mar gik mosepuonji.

Luka 12:47

“Jatijno mongʼeyo dwaro mar ruodhe to ok otem timo gima ruodhe dwaro nochwad mangʼeny.

Johana 13:17

Nikech koro ungʼeyo wechegi, nogwedhu kutiyo kodgi.”

Jo-Rumi 15:4

Nimar weche duto ma nondiki e ndalo machon, nondiki mondo opuonjwa, mondo kwachungʼ motegno kendo ka wajiwore gi Ndiko, to wanyalo bedo gi geno.

Jo-Rumi 2:19

Bende iwacho chutho ni in jatend muofni, kendo ni in e ler mar joma ni e mudho;

Rapar mar Chik 4:8

Kara ere oganda machielo maduongʼ man kod buche gi chike makare machal gi chike mamiyou kawuononi?

Jo-Filipi 1:10

kendo mondo ubed gi rieko mar yiero mana timo gima ber kende. Kamano ngimau nobed maler kendo maonge bura, nyaka chop odiechieng Kristo.

1 Jo-Thesalonika 5:21

Temuru gik moko duto, kendo rituru weche mabeyo kuomgi.

Jo-Hibrania 5:14

Joma otegno to nyalo chamo chiemo motegno, nikech gisetiyo kodgi amingʼa mi gibedo gi lony mar fwenyo pogruok man e kind ber gi rach.

Jakobo 4:17

Kuom mano, ngʼato ka ngʼata mongʼeyo gima ber monego otim, to ok otimo, doko jaricho.