Jo-Rumi 14:6 - Motingʼo Loko Manyien

⁶ Ngʼat mokawo odiechiengʼ moro ni duongʼ moloyo machielo timo kamano mondo omi Ruoth duongʼ. Ngʼat machamo ringʼo bende chiemo kamiyo Ruoth duongʼ, nikech ogoyo erokamano ne Nyasaye. Kamano bende, ngʼat ma ok chiem bende ok chiem kuom miyo Ruoth duongʼ, kendo ogoyo erokamano ne Nyasaye.

MUMA MALER 2015

⁶ Joma paro ni odiechieng’ moro duong’ ahinya, timo kamano kamiyogo Ruoth duong’. Joma chamo kit chiemo duto timo kamano kamiyogo Ruoth duong’, nimar gigoyo ni Ruoth erokamano; kendo joma kuero kit chiemo moko bende timo kamano kamiyogo Ruoth duong’, nikech gin bende gigoyo erokamano ni Nyasaye.

Jo-Rumi 14:6 ပူးပေါင်းရင်းမြစ်များ

Wuok 12:14

“Ma en odiechiengʼ manyaka upar ne tiengeu duto mabiro kendo nyaka urite ka sawo mochwere ni Jehova Nyasaye.

Wuok 12:42

Ne en otieno mane Jehova Nyasaye oritogie mondo ogolgie piny Misri. Otieno onogono en otieno moket mondo jo-Israel duto obed kaparo Jehova Nyasaye nyaka ne tienge mabiro.

Wuok 16:25

Musa nowachonegi niya, “Mano ema ucham kawuono nikech kawuono en Sabato ni Jehova Nyasaye. Ok unuyud chiemo munyalo kwanyo kawuono.

Isaya 58:5

Bende ma e kit tweyo chiemo ma aseyiero, ma ngʼato hore mana odiechiengʼ achiel kende? Koso en mana ka ngʼama okuyo kokulo wiye ka odundu mayamo yuko kata ngʼama onindo e pien gugru kotimo buru? Bende mano e gima uluongo ni tweyo chiemo ma en odiechiengʼ mowal ne Jehova Nyasaye.

Zekaria 14:21

Agulni duto man Jerusalem kod Juda nobed maler ni Jehova Nyasaye Maratego, kendo ji duto mabiro mondo otim misango nokaw agulnigo moko mi gitedie igi. To chiengʼno jo-Kanaan moro amora ok nobedi e od Jehova Nyasaye Maratego.

Mathayo 14:19

Eka nogolo chik mondo ji obed piny e lum. Bangʼe nokawo makati abichgo gi rech ariyogo, nongʼiyo polo malo, kogoyo erokamano. Nongʼingo makatigo mi nomiyo jopuonjre kendo jopuonjre nomiyogi ji.

Mathayo 15:36

Bangʼ mano nokawo makati abiriyogo gi rechgo, kendo kane osegoyo erokamano, nongʼingogi bangʼe omiyogi jopuonjrene, mondo opog ji.

Johana 6:28

Eka negipenje niya, “Angʼo mowinjore watim eka wati tije ma Nyasaye dwaro?”

Jo-Galatia 4:10

Uketo chunyu mar rito odiechienge moyiedhi, kod dweche gi ndalo kod higni!