Jo-Rumi 14:12 - Motingʼo Loko Manyien

¹² Omiyo ngʼato ka ngʼato kuomwa nodwok wach man kuome owuon ni Nyasaye.

MUMA MALER 2015

¹² Omiyo ng’ato ka ng’ato kuomwa nowach mana wach man kuome owuon ni Nyasaye.

Jo-Rumi 14:12 ပူးပေါင်းရင်းမြစ်များ

Eklesiastes 11:9

Bed mamor, in wuowi matin, ka pod in rawera kendo tim gik moko duto ma chunyi dwaro. Tim gik moko duto ma chunyi gombo kendo wangʼi nyalo neno, to kata kamano nyaka ingʼe ni Nyasaye nongʼadni bura kuom gik moko duto mitimo.

Mathayo 12:36

To awachonu ni chiengʼ ngʼado bura ji duto biro dwoko wach kuom weche manono ma gisewacho ka ok giparo matut.

Mathayo 16:27

Nimar Wuod Dhano nodwogi e duongʼ mar Wuon mare kaachiel gi malaikege, kendo chiengʼno enomi ngʼato ka ngʼato pokne kaluwore gi gima osetimo.

Luka 16:2

Omiyo noluonge ire kendo nopenje ni, ‘En angʼo mawinjo kuomini? Chiw ane kwan kuom gigo duto mirito, nikech ok inyal bedo jarit giga kendo ngangʼ!’

2 Jo-Korintho 5:10

Nikech nyaka wan duto wabi wachungʼ e nyim kom bura mar Kristo, mondo ngʼato ka ngʼato oyud gima owinjore gi gik mane otimo kapod en ringruok kata gin gik mabeyo, kata maricho.

Jo-Galatia 6:5

nimar ngʼato ka ngʼato nigi morome.

1 Petro 4:5

Giko to nyaka ni ginihul wach man kuomgi giwegi ni Jal moikore mar ngʼado bura ni joma ngima gi joma otho.