Jo-Rumi 14:10 - Motingʼo Loko Manyien

¹⁰ Koro angʼo momiyo in ingʼado bura ni nyawadu? Koso in ijaro nyawadu nangʼo? Nimar wan duto wabiro chungʼ e nyim kom bura mar Nyasaye.

MUMA MALER 2015

¹⁰ Koro in to, ere gima omiyo ing’ado ni owadu bura? Koso in, ere gima omiyo ichayo owadu? Donge ung’eyo ni wan duto wabiro chung’ e nyim kom bura mar Nyasaye?

Jo-Rumi 14:10 ပူးပေါင်းရင်းမြစ်များ

Eklesiastes 11:9

Bed mamor, in wuowi matin, ka pod in rawera kendo tim gik moko duto ma chunyi dwaro. Tim gik moko duto ma chunyi gombo kendo wangʼi nyalo neno, to kata kamano nyaka ingʼe ni Nyasaye nongʼadni bura kuom gik moko duto mitimo.

Eklesiastes 12:14

Nimar Nyasaye biro ngʼado bura ni tich moro amora, kaachiel gi gimoro amora mopondo, bed ni ober kata orach.

Mathayo 7:1

“Kik ungʼad ne ji bura, ka ok kamano to un bende ibiro ngʼadnu bura.

Luka 18:9

Ne joma noketo genogi kuomgi giwegi maparo ni gin joma kare kendo mane ochayo ji mamoko duto, Yesu nogoyonegi ngero kama:

Luka 23:11

Eka Herode gi askechene nojare kendo nonyiere. Negirwake gi kandho marakido maber, negidwoke ir Pilato.

Johana 5:22

To bende, Wuoro ok ngʼad bura ne ngʼato, to oseketo teko mar ngʼado bura e lwet Wuowi,

Tich Joote 10:42

Nochikowa mondo wayal ni ji kendo mondo watim nende ni en ema Nyasaye oseyiere kaka jangʼad bura mar joma ngima gi joma otho.

Tich Joote 17:31

Nikech oseketo chiengʼ mobiro ngʼadoe bura ne piny duto gadiera, kokalo kuom ngʼat moseyiero. Bende osenyiso ji malongʼo ni obiro timo mano ni ji duto, nikech nochiere oa kuom joma otho.”

Tich Joote 4:11

Yesu ema Ndiko owuoyo kuome kawacho niya, “ ‘Kidi ma un jogedo nudagi ema koro osedoko kidi motegno moriwo kor ot.’

Jo-Rumi 2:16

Mano notimre e odiechiengʼ ma Nyasaye nomi Yesu Kristo teko mar ngʼado bura kuom gik mopondo manie chuny dhano kaka Injili ma ayalo wacho.

1 Jo-Korintho 4:5

Kuom mano kik ungʼad bura kapok kinde ochopo, to rituru biro mar Ruoth. En owuon noel e lela gik masani opondo e mudho, kendo enonyis paro duto mopondo e chuny dhano. E kindeno ema ngʼato ka ngʼato noyud pak moa kuom Nyasaye.

2 Jo-Korintho 5:10

Nikech nyaka wan duto wabi wachungʼ e nyim kom bura mar Kristo, mondo ngʼato ka ngʼato oyud gima owinjore gi gik mane otimo kapod en ringruok kata gin gik mabeyo, kata maricho.