Jo-Rumi 12:13 - Motingʼo Loko Manyien

¹³ Poguru giu gi jo-Nyasaye mochando. Beduru joma ohero rwako welo.

MUMA MALER 2015

¹³ Poguru giu ni jo-Nyasaye modhier, kendo beduru joma ohero rwako welo.

Jo-Rumi 12:13 ပူးပေါင်းရင်းမြစ်များ

2 Samuel 17:29

mor kich gi chak mopoto, rombe, cha dhiangʼ mopoto mongʼin ni Daudi gi joge mondo ocham. Nimar negiwacho niya, “Jogi osebedo mool kendo riyo ohewogi e thim.”

2 Ruodhi 4:10

Wagerne ot moro ewi odwa ka mondo waketne kitanda, mesa, kom kod taya mondo oyweye e kinde duto ma obiro ka.”

Zaburi 41:1

Ngʼama paro joma ok nyal en jahawi; Jehova Nyasaye rese ka chandruok omake.

Ngeche 31:20

Oyawo bade ne joma jochan kendo otero lwete ne jogo mochando.

Mathayo 25:35

Nimar ne adenyo to ne umiya gimoro achamo; riyo noloya, to ne umiya gimoro amodho; ne an wendo; kendo nurwaka ei ot;

Tich Joote 10:4

Kornelio nongʼiyo malaikano ka luoro omake, eka noyiene niya, “Iwacho nangʼo, Ruoth?” Malaika nodwoke niya, “Lemoni kod timbeni mag ngʼwono mikonyogo joma odhier osechopo e nyim Nyasaye kaka misango omiyo osepari.

Tich Joote 4:35

giket e lwet joote eka joote ne pogo pesago kaka ne ngʼato ka ngʼato dwaro.

Jo-Rumi 12:8

Ka en jiwo ji, to mondo ojiw ji; ka en chiwo ne joma ochando, to mondo ochiw gi ngʼwono; ka en telo, to mondo orit ji gi kinda; ka en kecho ji, to mondo otime komor.

1 Jo-Korintho 16:15

Ungʼeyo ni jood Stefano e joma nokwongo yie kuom Kristo e piny Akaya, kendo gisechiwore mar tiyo ni jo-Nyasaye. Ajiwou, jowetena,

2 Jo-Korintho 9:1

Onge tiende mondo andiknu kendo kuom kony monego oor ni jo-Nyasaye.

2 Jo-Korintho 9:12

Nikech tich ma utimo ok chop mana dwaro jo-Nyasaye kende, to bende omiyo ji dwoko erokamano ne Nyasaye nikech kony ma giyudo.

Jo-Galatia 6:10

Emomiyo, e kinde duto mwayudoe thuolo, to ber mondo watim maber ni ji duto, to moloyo ni kanyakla mar joma oyie.

1 Timotheo 3:2

Jatend kanyakla mar jo-Kristo nyaka bed ngʼat ma wach moro amora marach onge kuome, chwor dhako achiel kende, ngʼat mobidhore, moritore, kendo modimbore, ngʼat moluor, mohero rwako welo kendo japuonj molony,

1 Timotheo 5:10

kendo ongʼeye kuom timbene mabeyo kaka oserito nyithindo e yo mowinjore kendo osebedo kohero rwako welo e ode, kendo osebedo ka olwoko tiend jomaler kendo ka okonyo joma ni e chandruok, kochiwore chuth ni timo gik mabeyo duto.

Tito 1:8

To nyaka obed ngʼat mohero rwako welo, mohero gigo mabeyo, ngʼat ma terore mos, ma ja-ratiro, moluoro Nyasaye; kendo mawinjo puonj.

Tito 3:14

Jowa nyaka puonjre keto chunygi kuom timo gik mabeyo, mondo eka giyud gik ma gikonyorego e ngimagi mapile kendo kik gidagi e ngima ma ok kel konyruok.

Filemon 1:7

Hera ma in-go osemiya mor maduongʼ kendo osejiwa, nikech in, owadwa mahero, isedwogo chunje jomaler.

Jo-Hibrania 13:16

To bende wiu kik wil gi timo timbe mabeyo kendo gipogone ji giu, nikech mago e kit misango ma Nyasaye morgo.

Jo-Hibrania 13:2

Kik uwe mak urwako welo e uteu, nikech jomoko kuom timo kamano oserwako koda ka malaike ka ok gingʼeyo.

Jo-Hibrania 6:10

Nyasaye en ja-adiera, omiyo wiye ok nyal wil gi tich maru kaachiel gihera musenyiso kukonyo joge, kendo ma pod udhi nyime kutimo.

1 Petro 4:9

Rwakuru joweteu ma ok ungʼur.

1 Johana 3:17

Ka ngʼato jamoko to oneno owadgi kochando to ok okeche, ere kaka ngʼama kamano nyalo wacho ni en gihera mar Nyasaye?

3 Johana 1:5

Osiepna in ja-adiera kuom gik mitimo ni jowete kata obedo ni gin joma welo kuomi.