Jo-Rumi 11:23 - Motingʼo Loko Manyien

²³ To gin bende, ka ok gisiko e tamruok yie, to ibiro chomogi kendo, nimar Nyasaye nigi teko mar chomogi kendo.

MUMA MALER 2015

²³ To bende ka jo-Yahudi ok osiko kotamore yie, to nochak ochomgi e yath, nikech Nyasaye nigi teko mar chomogi kendo.

Jo-Rumi 11:23 ပူးပေါင်းရင်းမြစ်များ

Zekaria 12:10

“Kendo anami joka Daudi kod joma odak Jerusalem chuny mar ngʼwono gi kwayo. Giniket geno margi kuoma, an mane gichwowo, kendo giniywage mana kaka ngʼato ywago wuode ma miderma.

Mathayo 23:39

Nimar awachoni ni ok ininena kendo nyaka chop chiengʼ ma iniwach ni, ‘Ogwedh ngʼat mabiro e nying Jehova Nyasaye.’”

Jo-Rumi 11:17

To ka bede yath moko nolwer oko, mondo un, ma un kaka yadh bungu, ochomu kargi, eka omi un bende ucham mwandu kaachiel kodgi koa e tiend yadh Zeituni maduongʼ,

Jo-Rumi 11:24

To bende kata kane ongʼadu kuom yiend Zeituni moti e bungu, ochomu e kor yadh Zeituni mopidhi, ma en gima ok timre pile e yo mayot to donge en gima yot moloyo mondo gin bede yath hie odog ochomgi e kor yadh Zeituni ma margi giwegi.

2 Jo-Korintho 3:16

To sa asaya ma ngʼato olokore odhi ir Ruoth to ragengʼno igolo oko.

Jo-Hibrania 3:19

Omiyo waneno ni ne ok ginyal donjo nikech negitamore yie.