Jo-Rumi 11:17 - Motingʼo Loko Manyien

¹⁷ To ka bede yath moko nolwer oko, mondo un, ma un kaka yadh bungu, ochomu kargi, eka omi un bende ucham mwandu kaachiel kodgi koa e tiend yadh Zeituni maduongʼ,

MUMA MALER 2015

¹⁷ En adier ni Nyasaye oserwakou un joma ok jo-Yahudi, mi ubedo joge, kendo uyudo gueth kaachiel gi jo-Yahudi. To rwakuno chalo mana gi bede yadh zeituni mong’ad oko, eka ochom bad yadh zeituni ma thim kargi, ma koro yudo chiembe koa e tiend yath kaachiel gi bede mamoko.

Jo-Rumi 11:17 ပူးပေါင်းရင်းမြစ်များ

Zaburi 52:8

An to achalo yiend zeituni madongo maber e od Nyasaye; ageno kuom hera ma ok rem mar Nyasaye manyaka chiengʼ.

Isaya 27:11

Ka bedegi osetwo to gimukore oko kendo mon modogi michwakgi. Nimar gin ogendini maonge winjo; omiyo Jachwechgi onge gi miwafu kuomgi, kendo Jachwech ok nyisgi ngʼwono moro amora.

Isaya 6:13

Kata bedni achiel kuom apar mar jogi nodongʼ e piny, to gin bende notiekgi pep. To mana kaka yiende mag ngʼowu kod yiend ober motongʼ mowe osiki loth, kamano e kaka jo-Nyasaye mabiro dongʼ e piny nochal gosikino.”

Jeremia 11:16

Jehova Nyasaye noluongi ni yadh zeituni madongo maber man-gi olemo moolo maber. To mor matek mar yamb auka enowangʼe ka mach, kendo bedene notur.

Jona 1:16

Wachni nomiyo jogo oluoro Jehova Nyasaye ahinya, mine gichiwo misango ne Jehova Nyasaye kendo ne gisingorene.

Zekaria 4:3

Bende nitie yiend Zeituni ariyo e bathe, achiel e bath bakul korachwich to machielo e bathe koracham.”

Mathayo 21:43

“Emomiyo anyisou ni pinyruodh Nyasaye ibiro gol kuomu kendo mi oganda machielo ma biro nyago olemo mare.

Johana 15:1

“An e mzabibu madier, kendo Wuora e japur mar mzabibuno.

Johana 15:2

Bedena duto ma ok nyag olemo ongʼado oko, to bede duto manyago olemo olwero mondo omed nyak moloyo.

Johana 15:6

Ka ngʼato ok osiko kuoma, to ochalo gi bad yath motongʼ oko maner. Bede yath machal kamano ichoko kendo idiro e mach mi wangʼ.

Tich Joote 2:39

Singruok mane Nyasaye otimono en maru kaachiel gi nyithindu; kendo en mar ji duto modak kuma bor, ma gin jogo duto ma Ruoth Nyasachwa noluong ire.”

Jo-Rumi 11:24

To bende kata kane ongʼadu kuom yiend Zeituni moti e bungu, ochomu e kor yadh Zeituni mopidhi, ma en gima ok timre pile e yo mayot to donge en gima yot moloyo mondo gin bede yath hie odog ochomgi e kor yadh Zeituni ma margi giwegi.

Jo-Galatia 2:15

“Wan wawegi nonywolwa jo-Yahudi to ok joma ok jo-Yahudi ma joricho,

Jo-Efeso 3:6

Wach mopondoni en ni kaluwore gi Injili, joma ok jo-Yahudi bende koro osebedo jocham girkeni kaachiel gi Israel, ka gin kaachiel kaka ringruok achiel, kendo giriwore kodwa e singruokni kuom Kristo Yesu.

Rapar mar Chik 8:8

ma en piny machiego ngano kod shairi, mzabibu kod ngʼowu, olemo mongʼinore, zeituni kod mor kich.

Jo-Kolosai 2:13

Kane uyudo utho e richou gi kit ngimau ma ok ter nyangu, Nyasaye ne omiyo udoko mangima kuom Kristo. Noweyonwa richowa duto,

Fweny 11:4

Joneno ariyogo e yiende ariyo mag zeituni, kod rachungi teyni ariyo mochungʼ e nyim kom Ruodh piny.