Jo-Rumi 1:9 - Motingʼo Loko Manyien

⁹ Nyasaye ma atiyone gi chunya duto, ka alando Injili mar Wuode, en janenona kaka asiko aparou e lamona kinde duto

MUMA MALER 2015

⁹ To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

Jo-Rumi 1:9 ပူးပေါင်းရင်းမြစ်များ

Ayub 16:19

Kata mana sani ngʼat matimo nenda maber ni e polo, ngʼat mabiro chungʼ ka chwaka ni malo.

Mariko 1:1

Ma e chakruok mar Injili mar Yesu Kristo Wuod Nyasaye.

Luka 18:1

Eka Yesu nogoyo ngero ne jopuonjrene mondo onyisgi gibed ka gilamo kinde duto kendo kik chunygi aa.

Tich Joote 12:5

Kuom mano, Petro nokan e od twech, to kanisa to ne lamone Nyasaye ahinya.

Tich Joote 19:21

Kane gigo duto osetimore, Paulo nongʼado e chunye mondo odhi Jerusalem, kokadho Makedonia gi Akaya. Nowacho e chunye niya, “Bangʼ dhi Jerusalem, to nyaka alim Rumi bende.”

Tich Joote 24:14

Kata kamano, ayie ni alamo Nyasach kwerewa, kendo an achiel kuom joma oluwo Yor Kristo, ma jo-Yahudi luongo ni kanyakla mar joma ongʼanyo. Ayie gi gik moko duto mowinjore gi Chik Musa kod gik mane Jonabi ondiko,

Tich Joote 27:23

Otieno mokalo, malaika mar Nyasaye, ma an ngʼate, kendo ma atiyone, nochungʼ batha,

Tich Joote 3:26

Kane Nyasaye ooro Jatichne, to noore mokwongo ne un, mondo ogwedhu, ka oloko ngʼato ka ngʼato weyo yorene maricho.”

Jo-Rumi 9:1

Awacho adiera kuom Kristo kendo ok ariambi; chunya bende bedo janeno kuom wach ma awachoni ni en adier kuom Roho Maler.

2 Jo-Korintho 1:23

Aluongo Nyasaye mondo obed janeno mara, ka anyisou ni ne ok aduogo Korintho mana mondo omi kik akelnu kuyo.

2 Jo-Korintho 11:31

Nyasaye ma Wuon Ruodhwa Yesu ma ipako nyaka chiengʼ, ongʼeyo ni ok ariambi.

Jo-Galatia 1:20

Awachonu Adier e nyim Nyasaye ni weche ma andikonugi ok gin miriambo.

Jo-Efeso 6:18

To lamuru kuom Roho kinde duto gi kit lamo duto, kendo ka ukwayo. Ka un gima e paro, to beduru mokichore kusiko ukwayo kinde duto ni jomaler duto.

Jo-Filipi 1:3

Adwokone Nyasacha erokamano seche duto ma aparoue.

Jo-Filipi 1:4

Kinde duto ka alemonu, to alemonu gi mor,

Jo-Filipi 2:22

Un uwegi to ungʼeyo kaka Timotheo osenyiso ber mare malongʼo, nikech wasetiyo kode kaachiel mana kaka wuowi gi wuon mare, ka wachiwore ne tich mar Injili.

Jo-Filipi 3:3

Nikech wan wawegi ema waseyudo nyangu madiera, nikech walemo ka wan ei Roho mar Nyasaye, sungawa ni kuom Kristo Yesu, kendo ok waketo genowa kuom ringruok,

1 Jo-Thesalonika 1:2

Wadwokone Nyasaye erokamano kinde duto nikech un duto, kwaluongo nyingu e lemo magwa.

1 Jo-Thesalonika 3:10

Odiechiengʼ gotieno walamo Nyasaye gi chunywa duto mondo olosnwa thuolo mar nenou kendo wangʼ gi wangʼ, mondo wabi wapongʼnu kuonde morem e yie maru.

1 Jo-Thesalonika 5:17

lemuru kinde duto;

1 Timotheo 2:7

Mano emomiyo ne oyiera kaka jahul wach kendo kaka jaote. Awacho adier, ok ariambi, kendo an japuonj wach yie madier ne joma ok jo-Yahudi.

2 Timotheo 1:3

Adwokone Nyasaye erokamano ma atiyone gi paro maler maonge bura, mana kaka kwerena bende notiyone, ka apari odiechiengʼ gotieno e lemona mapile.

Filemon 1:4

Adwokone Nyasacha erokamano pile ka aluongo nyingi e lemona,

1 Samuel 12:23

Kata kamano, anto ok anyal ketho ni Jehova Nyasaye kuom weyo ma ok alemonu. To abiro puonjou yo maber kendo makare.