Jo-Rumi 1:7 - Motingʼo Loko Manyien

⁷ Ni ji duto man Rumi, ma Nyasaye ohero kendo oluongo mondo obed jomaler: Ngʼwono gi kwe moa kuom Nyasaye Wuonwa kod Ruoth Yesu Kristo obed kodu.

MUMA MALER 2015

⁷ Kuom mano andikonu un ji duto man Rumi, ma Nyasaye ohero, kendo oseluongo mondo obed joge. Ng’wono gi kue moa kuom Nyasaye Wuonwa gi Ruoth Yesu Kristo mondo obed kodu.

Jo-Rumi 1:7 ပူးပေါင်းရင်းမြစ်များ

Zaburi 60:5

Reswa kendo konywa gi lweti ma korachwich mondo joma ihero ogol e chandruok.

Wer Mamit 5:1

Asebiro e puotha, yaye jaherana; asechoko ubani gi modhi madungʼ tik mangʼwe ngʼar, asechamo pednina kaachiel kod mor kich mara; kendo asemadho divaina kod chak. Yaye osiepena, chiemuru kendo methuru; yaye joherana, methuru ma romu.

Kwan 6:25

Wangʼ Jehova Nyasaye mondo orieny kuomu kendo omiu ngʼwono mogundho;

Mathayo 5:16

Un bende timuru kamano. Neuru ni ler maru rieny e dier ji, mondo gine timbeu mabeyo kendo gipak Wuonu manie polo.

Johana 20:17

Yesu nowachone niya, “Kik itweri kuoma, nimar pok adok ka Wuora, to dhi ir owetena mondo inyisgi ni, ‘Adok ir Wuora ma en Wuoru un bende, kendo Nyasacha ma en Nyasachu.’ ”

Tich Joote 15:23

Jogi noor gi baruwa mondiki kama: Wan joote gi jodongo, ma wan oweteu kuom Ruoth, Ne un joma ok jo-Yahudi moyie man Antiokia gi Siria kod Kilikia: Wamosou,

Tich Joote 9:13

To Anania nodwoko niya, “Ruoth, asewinjo weche mangʼeny kuom ngʼatno, gi timbene maricho mosebedo kotimo ni jogi maler modak Jerusalem.

Jo-Rumi 1:6

To un bende un e kanyakla achiel gi jogo moseluongi mondo ubed jo-Yesu Kristo.

Jo-Rumi 5:1

Emomiyo, kaka koro oseketwa kare kuom yie, wan gi kwe gi Nyasaye kuom Ruodhwa Yesu Kristo,

Jo-Rumi 5:5

To geno ok kuod wiwa, nikech Nyasaye oseolo herane ei chunywa kuom Roho Maler, ma osemiyowa.

Jo-Rumi 8:28

Bende wangʼeyo ni Nyasaye tiyo maber ne jogo mohere, jogo moseluongi kaluwore gi dwarone.

Jo-Rumi 8:39

kata bor, kata tut, kata gima ochwe moro amora, ok nyal pogowa gihera mar Nyasaye mane ei Kristo Yesu Ruodhwa.

Jo-Rumi 9:25

Mana kaka owacho e Hosea niya: “Joma ne ok joga, abiro luongo ni jaherana kendo jal mane ok oher abiro luongo ni moher,”

1 Jo-Korintho 1:24

To kuom ji duto ma Nyasaye oseluongo, bed ni gin jo-Yahudi kata jo-Yunani, Kristo en teko Nyasaye kendo en rieko Nyasaye.

1 Jo-Korintho 16:23

Ngʼwono mar Ruoth Yesu obed kodu.

2 Jo-Korintho 13:14

Ngʼwono mar Ruoth Yesu Kristo, gihera mar Nyasaye Wuoro, gi lalruok mar Roho Maler obed kodu un duto.

Jo-Galatia 6:18

Jowetena, mad ngʼwono mar Ruodhwa Yesu Kristo rit chunyu. Amin.

Jo-Efeso 1:2

Ngʼwono gi kwe moa kuom Nyasaye Wuonwa kod Ruodhwa Yesu Kristo obed kodu.

Jo-Efeso 6:23

Mad Nyasaye Wuoro kod Ruodhwa Yesu Kristo omi jowete duto man kuom Kristo kwe, gihera kod yie.

Rapar mar Chik 33:12

Kuom jo-Benjamin, Musa nowuoyoe kama: “Weuru joma oluoro Jehova Nyasaye obed gi kwe, nimar oritogi kinde duto, bende ngʼatno ma Jehova Nyasaye ohero yudo yweyo kuome.”

Jo-Filipi 1:2

Ngʼwono kod kwe mar Nyasaye Wuonwa kod Ruoth Yesu Kristo, obed kodu.

Jo-Filipi 4:13

Anyalo timo gik moko duto kuom Kristo mamiya teko.

Jo-Filipi 4:20

Duongʼ obed ni Nyasachwa kendo Wuonwa manyaka chiengʼ. Amin.

Jo-Filipi 4:23

Ngʼwono mar Ruoth Yesu Kristo obed kod chunyu. Amin.

Jo-Kolosai 1:2

Andikonu kuom Kristo un owetewa maler kendo ma jo-adiera man Kolosai: Ngʼwono gi kwe moa kuom Nyasaye Wuonwa obed kodu.

Jo-Kolosai 3:12

Kuom mano, kaka un jo-Nyasaye moyiero, maler kendo mogeno, rwakreuru gi kech, gi miwafu, gi bolruok, gi muolo, kod kinda.

Jo-Kolosai 3:15

Weuru mondo kwe mar Kristo obed jaloch e chunyu kaka fuondi ringruok achiel, noluongu e kwe, omiyo gouru erokamano.

1 Jo-Thesalonika 1:1

An Paulo gi Sila kod Timotheo, Wandikonu un kanisa mar jo-Thesalonika, man kuom Nyasaye Wuoro kod Ruoth Yesu Kristo: Ngʼwono gi kwe moa kuom Nyasaye Wuoro kod Ruoth Yesu Kristo obed kodu.

1 Jo-Thesalonika 1:3

E nyim Nyasachwa kendo Wuonwa, wasiko kwaparo yie ma un-go mosemiyo utimo gik mabeyo gi herau momiyo utiyo ne Nyasaye matek, kod geno ma un-go kuom Ruoth Yesu Kristo, momiyo uchungʼ motegno kutimo kinda.

1 Jo-Thesalonika 1:4

Nimar wangʼeyo, owetewa ma Nyasaye ohero, ni oseyierou,

1 Jo-Thesalonika 4:7

Nimar Nyasaye ne ok oluongowa mondo wadag e ngima mar dwanyruok, to ne oluongowa mondo wadag e ngima maler.

1 Jo-Thesalonika 5:28

Ngʼwono mar Ruodhwa Yesu Kristo obed kodu.

2 Jo-Thesalonika 1:2

Ngʼwono gi kwe moa kuom Nyasaye Wuoro kod Ruoth Yesu Kristo obed kodu.

2 Jo-Thesalonika 3:16

Koro Ruodh kwe owuon mondo omiu kwe mare pile e yore duto. Ruoth mondo obed kodu uduto.

2 Jo-Thesalonika 3:18

Ngʼwono mar Ruodhwa Yesu Kristo obed kodu un duto.

1 Timotheo 1:2

Andikoni in Timotheo wuoda mar adier kuom yie: Ngʼwono gi kech kod kwe moa kuom Nyasaye Wuoro gi Kristo Yesu Ruodhwa obed kodu.

1 Timotheo 6:2

Jogo man-gi ruodhi moyie kuom Kristo kik nyisgi achaya moro amora nikech gin jowete kuom Kristo. Kar timo kamano to owinjore gitinegi maber moloyo, nikech jogo mayudo ohala e tichgi gin owete kuom Kristo ma gihero. Magi e gik manyaka ipuonj ji kijiwogi matek.

2 Timotheo 1:2

Andikoni in Timotheo nyathina mahero: Ngʼwono gi kech kod kwe moa kuom Nyasaye Wuoro kod Kristo Yesu Ruodhwa obed kodi.

2 Timotheo 4:22

Mad Ruoth rit chunyi. Ngʼwono mondo obed kodu un duto.

Tito 1:4

Ne Tito, wuoda mar adier kuom yie moriwowa e achiel: Ngʼwono gi kwe moa kuom Nyasaye Wuoro kod Kristo Yesu ma Jawarwa obed kodi.

Filemon 1:25

Ngʼwono mar Ruoth Yesu Kristo mondo obed kod chunyi.

Filemon 1:3

Ngʼwono kod kwe moa kuom Nyasaye Wuonwa kod Ruoth Yesu Kristo obed kodu.

Jakobo 1:1

An Jakobo, ma jatich Nyasaye kendo jatich Ruoth Yesu Kristo, Andikonu, un dhoudi apar gariyo mokere e pinje duto: Amosou.

1 Petro 1:15

To mana kaka Jal moluongou ler, beduru maler e gimoro amora mutimo;

1 Johana 3:1

Mano kaka hera ma Wuoro oherowago duongʼ kuom luongowa ni nyithind Nyasaye. Kendo mano e gima wan! Gimomiyo piny, ok ongʼeyowa en nikech piny ne ok ongʼeye.

2 Johana 1:3

Ngʼwono gi kech kod kwe, moa kuom Nyasaye Wuoro kod Yesu Kristo wuode, biro bedo kodwa e adiera kod hera.

Fweny 2:1

“Ndik ne malaika morito kanisa man Efeso kama: Magi e weche Jal motingʼo sulwe abiriyo e lwete korachwich kendo mawuotho e kind rachungi teyni abiriyo mag dhahabu:

Fweny 2:12

“Ndik ne malaika morito kanisa man Pergamo kama: Magi e weche Jal man-gi ligangla mabith ma dhoge ariyo:

Fweny 2:18

“Ndik ne malaika morito kanisa man Thuatira kama: Magi e weche mag Wuod Nyasaye ma wengene chalo gi mach makakni bende tiendene chal ka mula mapakni.

Fweny 2:29

Ngʼat man-gi it mondo owinj gima Roho wacho ni kanisa.

Fweny 2:8

“Ndik ne malaika morito kanisa man Smurna kama: Magi e weche mag Jal Mokwongo kendo Mogik, Jal mane otho kendo ochier.

Fweny 22:21

Ngʼwono mar Ruodhwa Yesu Kristo obed gi jo-Nyasaye. Amin.

Fweny 3:14

“Ndik ne malaika morito kanisa man Laodikia kama: Magi e weche moa kuom Jal miluongo ni Amin, Jal ma ja-adiera kendo janeno ma Ja-ratiro, Jalno ma jaloch kuom chwech duto mag Nyasaye.

Fweny 3:22

Ngʼat man-gi it mondo owinj gima Roho wacho ni kanisa.”

Fweny 3:7

“Ndik ne Malaika morito kanisa man Filadelfia kama: Magi e weche mag Jal maler kendo ma ja-adiera, motingʼo kifungu mar Daudi. Gima oyawo to onge ngʼama nyalo loro; kendo gima oloro to onge ngʼama nyalo yawo.