Jo-Hibrania 7:11 - Motingʼo Loko Manyien

¹¹ Kapo ni tich dolo mar jo-Lawi nikech chik mane omi jo-Israel notenore kuome ne nyalo miyo dhano doko makare chuth, to koro ere gimomiyo ne pod nitie dwaro mondo oyud jadolo machielo koluwo kit Melkizedek? Angʼo momiyo ne nyaka jadolo mopogore gi Harun yudre?

MUMA MALER 2015

¹¹ Chik mane omi jo-Israel notenore kuom tich dolo mar jo-Lawi. To ka dine bed ni tich dolo mar jo-Lawi ochopo tichne maonge gima orem, to onge gima dine mi jadolo moro machielo wuogi e kanyakla mar Melkizedek, to ok e kanyakla mar Harun.

Jo-Hibrania 7:11 ပူးပေါင်းရင်းမြစ်များ

Jo-Galatia 2:21

Ok anyal kawo ngʼwono Nyasaye ka gir tugo, nikech ka dipo ni ngima makare inyalo yudo kuom mako Chik, to kare Kristo notho kayiem nono!”

Jo-Galatia 4:3

Kamano bende kane pod wan nyithindo, ne oketwa wasumbini mag timbe machon mag piny.

Jo-Galatia 4:9

To ka koro usengʼeyo Nyasaye, kata kawacho e yo machielo maber moloyo ka koro Nyasaye osengʼeyou, to ere kaka uchako udok e timbe machon mag piny, mayom yom kendo maonge teko? Udwaro ni timbegi ochak oketu wasumbini kendo?

Jo-Hibrania 5:10

Bende Nyasaye nokete jadolo maduongʼ koluwo kit dolo mar Melkizedek.

Jo-Hibrania 5:6

Owacho bende kamachielo niya, “In Jadolo nyaka chiengʼ koluwo kit dolo mar Melkizedek.”

Jo-Hibrania 6:20

kama Yesu ma nosetelonwa nosedonjoe. Osedoko jadolo maduongʼ manyaka chiengʼ, koluwo kit dolo mar Melkizedek.

Jo-Hibrania 7:10

nikech kindeno noyudo ka Lawi pok onywol, to kata kamano wanyalo wacho nine en ei ringre Ibrahim kwar mare kane Melkizedek oromo gi Ibrahim.

Jo-Hibrania 7:12

Nikech wangʼeyo ni ka olok tich dolo to chik bende nyaka loki.

Jo-Hibrania 7:13

To ngʼat miwacho wechegi kuomeni to noa e dhoot machielo ma ngʼato ne pok oyie mondo oti tich dolo e kendo mar misango.

Jo-Hibrania 7:15

Gima wasewachono medo winjore ka jadolo machielo obiro machalo gi Melkizedek,

Jo-Hibrania 7:21

to en to nobedo Jadolo gi kwongʼruok ka Nyasaye nowachone niya, “Jehova Nyasaye osekwongʼore kendo ok nolok pache, osesingore niya, ‘In Jadolo nyaka chiengʼ.’”

Jo-Hibrania 8:7

Ka dine bed ni onge gima orem kuom winjruok machon, to winjruok manyien ok dobiro kare.

Jo-Hibrania 9:6

Ka gik moko duto nosechan kamano, jodolo ne donjoga e hema ma oko pile mondo giti tichgi mar lemo.