Jo-Hibrania 5:14 - Motingʼo Loko Manyien

¹⁴ Joma otegno to nyalo chamo chiemo motegno, nikech gisetiyo kodgi amingʼa mi gibedo gi lony mar fwenyo pogruok man e kind ber gi rach.

MUMA MALER 2015

¹⁴ Joma dongo to chamo chiemo motegno, nikech gisepuonjore, mi ging’eyo pogo gik mabeyo gi gik maricho.

Jo-Hibrania 5:14 ပူးပေါင်းရင်းမြစ်များ

Chakruok 3:5

Nikech Nyasaye ongʼeyo ni sa ma unuchame wengeu noyepi kendo unubed machal gi Nyasaye, kungʼeyo ber gi rach.”

2 Samuel 14:17

“To koro sani jatichni wacho ni, ‘Mad wach ruodha kelna kwe, nimar ruodha ma en ruoth chal gi malaika mar Nyasaye manono ber gi rach. Mad Jehova Nyasaye ma Nyasachi bed kodi.’ ”

1 Ruodhi 3:11

Omiyo Nyasaye nowachone niya, “Nikech isekwayo mana ma to ok ikwayo ngima mathoth kata mwandu ni in iwuon, bende ok isekwayo tho mar wasiki to isekwayo mana rieko kuom ngʼado bura kare,

1 Ruodhi 3:9

Omiyo mi jatichni chuny mariek mondo otel ne jogi kendo mar pogo ber gi rach. Nimar en ngʼa manyalo telo ni oganda maduongʼ machalo kama?”

Ayub 12:11

Donge it ema pimo kit weche mana kaka lep bende pimo mit chiemo?

Ayub 34:3

Nikech it temo weche mana kaka lep bilo chiemo.

Ayub 6:30

Bende nitie gimoro amora marach ma lewa osewacho? Donge an gi rieko mar ngʼeyo gima ok owinjore?

Zaburi 119:103

Mano kaka wechegi mit ka abilogi, gimit e dhoga moloyo mor kich!

Wer Mamit 1:3

Modhi miwirorigo dungʼ mamit; kendo nyingi chalo gi mo mangʼwe ngʼar ma pukore oko. Kare mano emomiyo nyiri duto oheri!

Wer Mamit 2:3

Mana kaka yiend olemo mayom manie dier yiende mamoko mag bungu, e kaka jaherana chalo e dier chwo matindo. Amor ka abet e tipone, kendo olembe milimili e dhoga.

Isaya 7:15

Obiro chamo mana mor dhiangʼ kod mor kich nyaka chop orom pogo rach gi ber.

Mathayo 5:48

Kuom mano, beduru malongʼo chuth mana kaka Wuonu manie polo longʼo chuth.

Jo-Rumi 14:1

Rwakuru ngʼama yie mare yomyom ma ok umino kode wach kuom weche ma pod en-go gi kiawa.

1 Jo-Korintho 2:6

Kata kamano, wayalo rieko ni joma otegno, to ok rieko mag tiengʼni, kata mag ruodhi mandalogi, mabiro lal nono.

Jo-Efeso 1:18

Bende alamonu mondo chunyu maiye oyawre mondo ungʼe tiend geno ma oseluongoue, ma gin girkeni mogundho mokano ni joma oyie,

Jo-Efeso 4:13

nyaka chop wan duto wabed achiel e yie mawan-go kuom Wuod Nyasaye kendo wamed ngʼeye chutho. Kamano otimore eka wanabed joma otegno chutho, kendo wanachop e rangʼiny mogik kuom Kristo.

Jo-Filipi 3:15

Wan duto ma wan gi yie motegno onego wapar kuom gigi. To ka pachu opogore gi mano e yo moro, to Nyasaye biro leronu.

1 Jo-Thesalonika 5:21

Temuru gik moko duto, kendo rituru weche mabeyo kuomgi.

1 Timotheo 4:7

Bed mabor chuth gi sigendini manono mag piny maonge tiende to moloyo tiegri ibed molony e luoro Nyasaye.

Jo-Hibrania 6:1

Kuom mano koro waweuru puonj michakogo ngʼeyo wach Kristo, to wadhiuru nyime mondo wadok joma otegno. Ok owinjore mondo wachak puonjou manyien weche michakogo bedo ja-Kristo, kaka lokruok weyo timbe matero ji e tho to gi yie kuom Nyasaye;

Jakobo 3:2

Wan duto wachwanyore e yore mangʼeny. Ka weche ma ngʼato wacho ok mi obed jaketho to en ngʼat malongʼo kendo onyalo chiko ringre duto mondo owinje.