Jo-Hibrania 3:19 - Motingʼo Loko Manyien

¹⁹ Omiyo waneno ni ne ok ginyal donjo nikech negitamore yie.

MUMA MALER 2015

¹⁹ Omiyo waneno ni ne ok ginyal donjo kar yueyone nikech ne gitamore yie.

Jo-Hibrania 3:19 ပူးပေါင်းရင်းမြစ်များ

Juda 1:5

Kata obedo ni usengʼeyo wechegi duto to pod nyaka aparnu ni Ruoth noreso joge mogologi e piny Misri, to bangʼe achien nokumo joma ne ok oyie.

Johana 3:36

Ngʼato moyie kuom Wuowi nigi ngima mochwere, to ngʼat modagi Wuowi ok none ngimano, nimar mirimb Nyasaye osiko kuome.”

Johana 3:18

Ngʼato angʼata moyie kuome ok nobed gi bura. To ngʼat ma ok oyie kuome bura oseloyo, nikech pok oyie kuom nying Wuowi ma miderma mar Nyasaye.

Mariko 16:16

Ngʼato angʼata moyie kendo obatisi nokwo, to ngʼat ma ok oyie bura nolo.

1 Johana 5:10

Ngʼat moyie kuom Wuod Nyasaye nigi nenoni e chunye, to ngʼama ok oyie kuome miyo Nyasaye doko ja-miriambo, nikech odagi yie gima Nyasaye osewacho kaka janeno kuom Wuode.

2 Jo-Thesalonika 2:12

omiyo Ruoth nongʼad bura ni ji duto motamore yie adiera, ka gihero mana timo timbe maricho.

Rapar mar Chik 1:32

Ei magi duto ne ok uketo genou kuom Jehova Nyasaye ma Nyasachu,

Zaburi 106:24

Bangʼe ne gichayo pinye ma jaber; nikech ne ok giyie singruokne ni en adier.

Jo-Rumi 11:23

To gin bende, ka ok gisiko e tamruok yie, to ibiro chomogi kendo, nimar Nyasaye nigi teko mar chomogi kendo.

Jo-Hibrania 3:12

Owetena neuru ni ubedo motangʼ mondo kik ngʼato kuomu bed gi chuny marach motamore yie mamiyo oweyo Nyasaye mangima.