Jo-Hibrania 2:8 - Motingʼo Loko Manyien

⁸ kendo iseketo gik moko duto e bwo tiende.” Ka Nyasaye noketo gik moko duto e bwo lochne to onge gima noweyo oko. To kata kamano sani pod ok wane ka gik moko duto ni e bwo lochne.

MUMA MALER 2015

⁸ bende ne iketo gik moko duto e bwo tiende.” Ka Muma wacho ni Nyasaye noketo gik moko duto e bwo tiend dhano, to mano nyiso ni onge gima odong’ ma ok oketoe tekone. To koro pod ok wane ka gik moko duto oket e teko dhano.

Jo-Hibrania 2:8 ပူးပေါင်းရင်းမြစ်များ

Zaburi 2:6

“Aseketo Ruoth ma adwaro e Sayun, goda maler.”

Zaburi 8:6

Isekete jatelo ewi tich lweti duto; iseketo gik moko duto e bwo tiende:

Daniel 7:14

Eka nomiye teko gi duongʼ kod loch; kendo ogendini duto gi pinje duto kod jogo duto mawacho dhok mopogore opogore nolame. Lochne en loch mosiko nyaka chiengʼ, kendo pinyruodhe en pinyruoth ma ok nyal tieki ngangʼ.

Mathayo 28:18

Eka Yesu nobiro irgi mowachonegi niya, “Teko duto manie polo kod manie piny osemiya.

Johana 13:3

Yesu nongʼeyo ni Wuoro noseketo gik moko duto e bwo tekone, kendo ni noa ka Nyasaye kendo nobiro dok ir Nyasaye;

Johana 3:35

Wuoro ohero Wuowi, kendo oseketo gik moko duto e lwete.

1 Jo-Korintho 15:27

nikech ndiko wacho niya, “oseketo gik moko duto e bwo tiende.” To ka ndiko wuoyo kuom “gik moko duto” to ongʼere ni mano ok oriwo Nyasaye owuon nikech en ema oketo gik moko duto e bwo loch Kristo.

Jo-Hibrania 1:13

Koso gin malaike mage ma Nyasaye nonyiso niya, “Bed e bada ma korachwich, nyaka chop aket wasiki, e bwo tiendi”?

Jo-Hibrania 1:2

to e ndalo mogikgi osewuoyo kodwa kokalo kuom Wuode owuon. Wuodeno ema oseketo mwandune duto e lwete, kendo en ema nochweyo gik moko duto kuome.

Jo-Hibrania 2:5

Malaike ok ema Nyasaye osemiyo teko mar bedo gi loch e piny mabiro.

1 Petro 3:22

moseidho e polo kendo koro obet e bat korachwich mar Nyasaye, ka malaike duto gi loch kod teko duto winjo chikne.

Fweny 1:18

An e Jal Mangima; ne atho, to koro angima nyaka chiengʼ! An-gi rayaw mar tho kod mar piny joma otho.

Fweny 1:5

kendo moa kuom Yesu Kristo, ma janeno mar adier ma ok lokre, jal mane okwongo chier oa kuom joma otho, jaloch mar ruodhi manie piny. Ne Jal moherowa kendo mosegonyowa kuom richowa gi rembe,