Jo-Hibrania 13:14 - Motingʼo Loko Manyien

¹⁴ Nikech e pinyni waonge gi dala mosiko, to warito dala machielo mwabiro nwangʼo achien.

MUMA MALER 2015

¹⁴ nimar e pinyni waonge gi dala mosiko, to wageno yudo dala mapod biro.

Jo-Hibrania 13:14 ပူးပေါင်းရင်းမြစ်များ

Jo-Filipi 3:20

Wan to polo e thurwa, kendo warito Jawarwa Ruoth Yesu Kristo gi geno mondo obi oomwa.

Jo-Hibrania 12:22

Un to usebiro e Got Sayun, e Jerusalem manie polo, ma en dala maduongʼ mar Nyasaye mangima. Useriworu gi malaike gana gi gana mochokore e nyasi mar mor

Jo-Efeso 2:19

Emomiyo, koro ok un welo kata jodak, to un oganda achiel gi jomaler duto, kendo jood Nyasaye,

2 Jo-Korintho 4:17

Nikech chandruok mwayudo matindo kendo makadho piyo biro kelonwa duongʼ mosiko kendo moloyo chandruogego duto.

1 Jo-Korintho 7:29

Jowetena, gima awachonu en ni sa odongʼ matin. Chakre sani koro joma nigi mon onego odag ka gima giongego;

Mika 2:10

Auru malo, dhiuru kucha! Nikech kae ok en kar yweyo maru, nimar odwanyore, kendo okethore ma ok nyal kony.

1 Petro 4:7

Giko gik moko duto chiegni. Emomiyo beduru gi paro maler kendo ritreuru mondo ulam.

Jo-Hibrania 4:9

Kuom mano, odiechieng yweyo mar Sabato pod nitie ne jo-Nyasaye;

Jo-Hibrania 2:5

Malaike ok ema Nyasaye osemiyo teko mar bedo gi loch e piny mabiro.

Jo-Hibrania 9:11

To ka Kristo nobiro kaka jadolo maduongʼ mar gik mabeyo moloyo makoro wan-go sani, nodonjo e hema maduongʼ kendo malongʼo chuth. En hema ma lwet dhano ok oloso manyiso ni ok en chwech mar pinyni.

Jo-Hibrania 10:34

Chunyu ne sandore kaachiel gi joma otwe nikech Kristo, kendo numor kimayou giu githuon nikech nungʼeyo ni un uwegi un gi mwandu mabeyo moloyo kendo mosiko.

Jo-Hibrania 12:27

Wach mar “kendo” nyiso ni Nyasaye biro golo oko gik mayiengni manyalo wuok, ma gin gik mochwe mondo gik ma ok nyal yiengni ema odongʼ kosiko.

Fweny 3:12

Ngʼat molocho anami obed siro e hekalu mar Nyasacha. Ok enochak owuog kanyo. Anandik nying Nyasacha kuome bende anandik nying dala mar Nyasacha ma en Jerusalem manyien, mabiro aa e polo kuom Nyasacha kendo abiro ndiko nyinga maler kuome.