Jo-Filipi 4:9 - Motingʼo Loko Manyien

⁹ Kik uwe ma ok uparo gigo madiera kod mowinjore gi pak. Gimoro amora mane apuonjou, kendo uyudo kuoma, mane uwinjo kawacho, kata atimo, to tigouru; ka utimo kamano to Nyasach kwe nobed kodu.

MUMA MALER 2015

⁹ Timuru gik moko duto mane apuonjou, kendo uyudo kuoma, bende ma usewinjo ka awacho kata ka atimo. Eka Nyasach kue nobed kodu.

Jo-Filipi 4:9 ပူးပေါင်းရင်းမြစ်များ

Isaya 41:10

Omiyo kik ibed maluor, nimar an kodi; bende kik kibaji goyi, nimar an Nyasachi. Abiro miyi teko kendo abiro konyi; bende abiro siri gi bada ma korachwich mar loch.”

Isaya 8:10

Kata dabed ni ungʼado rieko kuom gik mudwaro timo to ibiro thirgi; bende kata dabed ni uchano gima udwaro timo to ok notimre, nikech Nyasaye nikodwa.

Mathayo 1:23

“Nyako ngili biro mako ich minywol wuowi, mi nigiluonge ni Imanuel” (tiende ni, “Nyasaye ni kodwa”).

Mathayo 28:20

kendo kupuonjogi mondo gitim gik moko duto ma asechikou. To awachonu adier ni an kodu ndalo duto, nyaka giko mar ndalo.”

Mathayo 7:21

“Ji duto ma luonga ni, ‘Ruoth, Ruoth,’ ok nodonji e pinyruodh polo, to mana ngʼama timo dwaro mar Wuora manie polo ema nodonji.

Luka 6:46

“Angʼo momiyo uluonga ni, ‘Ruoth, Ruoth,’ to ok utim gima awacho?

Luka 8:21

Nodwoko niya, “Minwa kod owetena gin jogo mawinjo wach Nyasaye kendo timo.”

Johana 13:17

Nikech koro ungʼeyo wechegi, nogwedhu kutiyo kodgi.”

Johana 15:14

Un osiepena mana kutimo gik ma achikou.

Johana 2:5

Eka min-gi nowachone jotich niya, “Timuru gimoro amora monyisou.”

Tich Joote 9:6

Koro aa malo idhi Damaski kendo ibiro nyisi gima nyaka itim.”

Jo-Rumi 15:33

Nyasach kwe mondo obed kodu uduto. Amin!

Jo-Rumi 16:20

Nyasach kwe biro miyo unyon Satan gi tiendu. Ngʼwono mar Ruodhwa Yesu Kristo obed kodu.

1 Jo-Korintho 10:31

Omiyo gimoro amora mutimo, bed ni uchiemo kata umetho, to timgiuru duto mondo Nyasaye oyud duongʼ.

1 Jo-Korintho 14:33

nikech Nyasaye ok en Nyasach koko, to en Nyasach kwe. To mana kaka timore ei kanisa mar jomaler,

1 Jo-Korintho 4:16

Kuom mano, akwayou mondo ulu timna.

2 Jo-Korintho 13:11

Mogik owetena, oritiuru. Beduru joma kare, winjuru wechena, beduru gi paro achiel, kendo beduru gi kwe. Eka Nyasach hera kod kwe nobed kodu.

Rapar mar Chik 5:1

Musa noluongo jo-Israel duto ma owachonegi kama: Yaye, jo-Israel winjuru buche kod chike ma awachonu kawuono. Puonjreuru wechego kendo une ni umakogi.

Jo-Filipi 3:17

Jowetena, riwreuru gi ji mamoko kungʼiyo maber joma kit wuodh ngimagi chal gi ranyisi mane uneno kuomwa.

Jo-Filipi 4:7

Eka kwe mar Nyasaye modhiero ji duto ngʼeyo norit chunyu gi pachu ka un kuom Kristo Yesu.

1 Jo-Thesalonika 1:6

Ne uluwo kitwa kod kit Ruoth; kendo kata obedo ni ne usandoru malit, to nurwako wach mane oyalnu gi mor ma Roho Maler kelo.

1 Jo-Thesalonika 2:14

Owetewa, gik mosetimorenu chal gi gik mane osetimore ni kanisa mar jo-Nyasaye man kuom Kristo Yesu e piny Judea, nimar ne usandoru e lwet ogandau mana kaka gin bende negisandore e lwet jo-Yahudi wetegi.

1 Jo-Thesalonika 5:23

Nyasaye owuon, ma Wuon kwe mondo opwodhu mi udok maler chuth e yore duto. Mad orit ngimau gi chunyu gi ringreu duto mi ubed maonge ketho moro amora chiengʼ ma Ruodhwa Yesu Kristo noduogie.

2 Jo-Thesalonika 3:4

Wan gi chir kuom Ruoth ni utimo gik ma wawacho kendo ni ubiro medo timo kamano.

2 Timotheo 4:22

Mad Ruoth rit chunyi. Ngʼwono mondo obed kodu un duto.

Jakobo 1:22

To kik uchik mana itu ni winjo wach kende, nono to uwuondoru kendu uwegi to timuru mana gima Muma puonjo.

2 Petro 1:10

Emomiyo, jowetena, meduru bedo gi siso mar rito luong mane oluongugo kod yiero maru ka un gi adier. Nikech ka utimo gigi to ok unupodhi,

1 Johana 3:22

To wayudo koa kuome, gimoro amora mwakwaye nikech wamako chikene kendo watimo gik mamore.