Jo-Filipi 1:17 - Motingʼo Loko Manyien

¹⁷ Joma lando Kristo ka gin-gi ich lit gi miero to timo kamano mondo oyud duongʼ, ka giparo niginyalo medona chandruok ka pod an e od twech.

MUMA MALER 2015

¹⁷ Ji moko to lando wach Kristo ka parogi ok ler, kendo gidwaro mana ni mondo gin giwegi ema giyud duong’. Giparo ni ka gitimo kamano to gibiro medona chandruok e tuech.

Jo-Filipi 1:17 ပူးပေါင်းရင်းမြစ်များ

Luka 21:14

To beduru gi paro ma ok yiengni mondo kik uparru motelo ni ere kaka ubiro dwoko wach.

Tich Joote 22:1

“Owetena gi wuonena, koro winjuru wechena manyisou ni aonge ketho.”

Tich Joote 26:1

Eka Agripa nowachone Paulo niya, “In thuolo mondo iwuo kuomi iwuon.” Eka Paulo notingʼo bade malo bangʼe ochako wuoyo kowacho niya,

Tich Joote 26:24

Kane Paulo dhi nyime gi wuoyo kamano, Festo nokok matek niya, “Wiyi okethore, Paulo! Somo misomo mangʼeny oseloki janeko!”

Jo-Rumi 2:8

To joma ohero margi kendo ma ok luw adiera, to luwo mana timbe ma ok kare, norom gi mirimb Nyasaye mager.

Jo-Filipi 1:18

To onge wach! Gima duongʼ en ni wach Kristo ilando e yore duto; kata gi chuny marach, kata maber, kendo mano medo miya mor moloyo. Ee, kendo pod abiro medo bedo mamor,

Jo-Filipi 1:7

En gima kare mondo apar kamano kuomu uduto nikech agenou e chunya; kata ka an e twech kata ka asiro adiera mar Injili kendo ajiwe to un uduto usebedo koda e achiel kuom ngʼwono mar Nyasaye.

Jo-Filipi 2:3

Kik utim gimoro amora mondo upiem gi ji kata mondo unyisru ne ji, to beduru joma obolore, ka kinde duto ukwano joma moko kaka joma beyo moloyou.

1 Timotheo 2:7

Mano emomiyo ne oyiera kaka jahul wach kendo kaka jaote. Awacho adier, ok ariambi, kendo an japuonj wach yie madier ne joma ok jo-Yahudi.

2 Timotheo 2:9

Wach maberno emomiyo isanda kendo itweya ka ngʼat matimo richo. To wach Nyasaye ok otwe.

2 Timotheo 4:16

Kane achungʼ e nyim bura, onge ngʼama nodok jakora, to ji duto noweya. Mad Nyasaye kik ket richoni e wigi!