Jo-Efeso 5:4 - Motingʼo Loko Manyien

⁴ Bende, tim moro amora makwodo wich, kata wach mochido, kata angera mag oyuma ok owinjore kodu, makmana dwoko ne Nyasaye erokamano.

MUMA MALER 2015

⁴ kendo tim ma kuodo wich, kata twak mofuwo, kata oyuma, bende ok owinjore. To moloyo onego ugo mana erokamano ni Nyasaye,

Jo-Efeso 5:4 ပူးပေါင်းရင်းမြစ်များ

Zaburi 33:1

Weruru gimor ni Jehova Nyasaye, un joma kare; en gima owinjore mondo joma kare opake.

Zaburi 92:1

Pako Jehova Nyasaye en gima ber kendo wero wende mapako nyingi bende ber, yaye Nyasaye Man Malo Moloyo,

Ngeche 12:23

Ngʼat mariek orito ngʼeyone e iye, to chuny joma ofuwo wuoyo ma ok opimo.

Ngeche 15:2

Lew ngʼat mariek konyore gi rieko, to dho ngʼat mofuwo hulo gik mofuwo.

Ngeche 26:19

e kaka ngʼato mawuondo jabute kowacho niya, “Ne angeri angera!”

Eklesiastes 10:13

Ngʼama ofuwo chako gi weche mag fuwo; to gikone ni gin weche neko,

Daniel 6:10

Kane Daniel owinjo ni oseket sei e chikno nodhi e ode kama ne nitie ot moro man-gi dirise mochomo yo Jerusalem. Odiechiengʼ kodiechiengʼ Daniel ne goyo chonge piny kodwoko erokamano ni Nyasache nyadidek mana kaka nosebedo kotimo pile.

Mariko 7:22

kod wuoro; kaachiel gi timbe maricho, wuond, anjawo, ketho nying, sunga kod fuwo.

Johana 6:23

Eka yiedhi moko moa Tiberia nogowo but kama ne ji ochame makati, mane Ruoth Yesu ogwedho.

Jo-Rumi 1:28

To bende, kaka negiparo ni ngʼeyo Nyasaye ok lich, Nyasaye nojwangʼogi mondo gidhi adhiya nyime ka pachgi obam, mondo gitim, gik ma ok onego otim.

2 Jo-Korintho 1:11

ka umedo konyowa gi lemo maru. Mano nomi ji mangʼeny nodwokne Nyasaye erokamano kuom gweth momiyowa, kodwoko lemo mag ji mangʼeny.

2 Jo-Korintho 9:15

Wagouru erokamano ne Nyasaye kuom michne maduongʼ mokalo apima!

Jo-Efeso 1:16

pok aweyo goyo erokamano ni Nyasaye nikech un, ka aparou e lemona.

Jo-Efeso 4:29

Kik uyie weche maricho wuogi e dhou, to mana weche mabeyo manyalo konyo kuom gero ji kaluwore gi dwarogi mondo wecheu okony joma winjo.

Jo-Filipi 4:6

Kik uparru kuom gimoro amora, to kwauru Nyasaye gik moko duto muchando, kulamo, kendo kugoyone erokamano, kuketo kwayou mondo ongʼere ni Nyasaye.

Jo-Kolosai 3:8

To koro nyaka ulony oko kit richo duto kaka: ich wangʼ gi mirima gi himruok gi ketho nying ji kod weche mochido.

1 Jo-Thesalonika 3:9

Ere kaka dwago ne Nyasaye erokamano nikech un ma dirom gi mor duto ma umiyo wamorgo e nyim Nyasaye?

1 Jo-Thesalonika 5:18

gouru erokamano kata piny ber kata rach, nikech mano ema Nyasaye dwaro ni utim ei Kristo Yesu.

Filemon 1:8

Kuom mano, kata obedo ni kuom Kristo ne anyalo bedo gi chir mar chiki mondo itim gima onego itim,

Jo-Hibrania 13:15

Kuom mano watimuru ne Nyasaye misango mar pak ndalo duto ka wan kuom Yesu. Pak makamano en olemo mawuok e dhowa ka hulo nyinge.

2 Petro 2:18

Nikech giwacho weche manono mag sunga mopongʼ gi gombo maricho mag kit dhano mohero richo, mondo gimi joma tinde eka tony aa kuom joma olal tim richo.

2 Petro 2:7

kendo ka Nyasaye noreso Lut ngʼat makare, mane chunye chandore malit nikech ngima mochido mar joma ne ochayo chik

Juda 1:10

Jogi to yanyo gimoro amora ma ok gingʼeyo to gik ma giketore ni gingʼeyo mana kaka le maonge rieko nyalo timo, mago e gik mabiro tiekogi.

Juda 1:13

Jogi onge gi wichkuot mana ka apaka mager mar nam, madhwolo buoyo kendo gibagni mana ka sulwe mabayo, gin joma osekan-negi kum mar mudho mandiwa manyaka chiengʼ.