Jo-Efeso 5:17 - Motingʼo Loko Manyien

¹⁷ Kuom mano weuru bedo mofuwo, to ngʼeuru gima Ruoth dwaro.

MUMA MALER 2015

¹⁷ Kuom mano, kik ubed joma ofuwo, to temuru ng’eyo gima Ruoth dwaro.

Jo-Efeso 5:17 ပူးပေါင်းရင်းမြစ်များ

Ayub 28:28

Kendo nowachone dhano ni, ‘Luoro Ruoth Nyasaye kelo rieko, kendo ka idwaro bedo gi ngʼeyo to nyaka iwe richo!’ ”

Zaburi 111:10

Luoro Jehova Nyasaye e chakruok mar rieko; ji duto moluwo buchene nigi winjo maber. En kende ema owinjore yudo pak manyaka chiengʼ.

Zaburi 119:27

Mi awinj tiend gik ma chikegi puonjo; eka abiro paro matut kuom timbegi miwuoro.

Ngeche 14:8

Rieko mar jorieko en bedo gi paro ne yoregi, to fup joma ofuwo en wuondruok.

Ngeche 2:5

eka iniwinj malongʼo tiend luoro Jehova Nyasaye, kendo iniyud rieko mar ngʼeyo Nyasaye.

Ngeche 23:23

Adiera gi rieko gi puonjruok kod ngʼeyo tiend wach ema nyaka iyudi, kata dabed ni ingʼiewogi gi nengo matek.

Jeremia 4:22

“Joga ofuwo; ok gingʼeya. Gin nyithindo maonge wigi gionge rieko, gilony mana kuom timo timbe maricho; kendo ok gingʼeyo; kaka digitim maber.”

Johana 7:17

Ka ngʼato oyiero mar timo dwach Nyasaye, to obiro ngʼeyo ka bende puonjna oa kuom Nyasaye adier, kata ka awacho mana wechena awuon.

Jo-Rumi 12:2

Kik koro ulu kit ngima pinyni, to lokreuru ka parou doko manyien pile, eka unubed gi nyalo mar pimo kendo ngʼeyo dwach Nyasaye, ma en dwache maber, mowinjore kendo malongʼo chuth.

Jo-Efeso 5:15

Beduru motangʼ ahinya kaka udak, kik udag ka joma ofuwo, to daguru ka joma riek,

Rapar mar Chik 4:6

Ritgiuru maber, nimar mano ema biro nyiso riekou gi ngʼeyou ni ogendini mamoko mabiro winjo buchegi duto wach niya, “Adier, onge oganda mariek kendo man-gi ngʼeyo koganda maduongʼni.”

Jo-Kolosai 1:9

Kuom mano, chakre odiechiengʼ mane wawinjo kuomu pok waweyo ma ok walamonu ka wakwayo Nyasaye mondo opongʼu gi ngʼeyo dwarone, ka un gi rieko duto mar chuny kod winjo ma Roho Maler chiwo.

Jo-Kolosai 4:5

Beduru gi rieko kuom joma odak e dieru kutiyo gi thuolo muyudo e yo maber.

1 Jo-Thesalonika 5:18

gouru erokamano kata piny ber kata rach, nikech mano ema Nyasaye dwaro ni utim ei Kristo Yesu.

1 Petro 4:2

Kuom mano, un koro ok udak e ngima maru mar pinyni mondo uchop gombo maricho mag dhano, to udak mar timo dwaro Nyasaye.