Jo-Efeso 4:23 - Motingʼo Loko Manyien

²³ Mano notimore mondo chunyu maiye mar parou oloki obed manyien,

MUMA MALER 2015

²³ Nyaka ulos chunyu gi parou odok manyien,

Jo-Efeso 4:23 ပူးပေါင်းရင်းမြစ်များ

Zaburi 51:10

Chwe chuny maler e iya, yaye Nyasaye, kendo los chuny motegno mosiko koluori iket e iya.

Ezekiel 11:19

Anamigi chuny ma ok parre, kendo anaket chuny manyien eigi; abiro golo kuomgi chuny matek ka lwanda kendo anachwenegi chuny manyien.

Ezekiel 18:31

Pogreuru gi ketho duto musetimo, kendo beduru gi chuny manyien kod paro malongʼo. Udwaro ni utho nangʼo, yaye dhood Israel?

Ezekiel 36:26

Abiro miyou chuny manyien kod paro manyien; kendo anagol kuomu chuny matek ka lwanda mi amiu chuny mayom ka ringʼo.

Jo-Rumi 12:2

Kik koro ulu kit ngima pinyni, to lokreuru ka parou doko manyien pile, eka unubed gi nyalo mar pimo kendo ngʼeyo dwach Nyasaye, ma en dwache maber, mowinjore kendo malongʼo chuth.

Jo-Rumi 6:4

Omiyo noyikwa kode e tho kuom batiso, mondo kaka Kristo nochier oa kuom joma otho kuom duongʼ mar Wuoro, e kaka wan bende onego wadagi e ngima manyien.

Jo-Rumi 8:6

Paro mar jaricho en tho, to paro ma Roho ema chiko kelo ngima kod kwe.

Jo-Efeso 2:10

Mano timore nikech wan chwech Nyasaye, manochweyo kuom Kristo Yesu mondo otim timbe mabeyo, ma Nyasaye owuon ema nosechano chon mondo watim.

Jo-Kolosai 3:10

mi urwako dhano manyien mamedo bedo manyien pile mondo obed machal gi kit jachwechne.

Tito 3:5

Ne ok owarowa nikech tim moro makare mane wasetimo, to ne owarowa mana nikech ngʼwonone owuon. Nowarowa gi luok mane Roho Maler okelonwago ngima manyien kod nywol manyien.

1 Petro 1:13

Emomiyo ikuru pachu ne tich. Beduru mos kendo keturu genou duto kuom ngʼwono mibiro miu ka Yesu Kristo ofwenyore.