Jo-Efeso 3:16 - Motingʼo Loko Manyien

¹⁶ Alamo Nyasaye mondo kuom duongʼne mosiko omiu teko e ngimau duto kuom teko mar Roho mare,

MUMA MALER 2015

¹⁶ Akwayo Nyasaye kuom duong’ne mang’ongo mondo omiu teko e chunyu maiye kuom Roho mare,

Jo-Efeso 3:16 ပူးပေါင်းရင်းမြစ်များ

Ayub 23:6

Bende doti gi tekone maduongʼ mondo okweda? Ooyo, ok dochun weche kuoma ni an jaketho.

Zaburi 138:3

Kane aluongo to ne idwoka, kendo ne imiyo abedo gi chir kod chuny motegno.

Zaburi 28:8

Jehova Nyasaye e teko mar joge, en e ohinga mar resruok ni joge moyiero.

Isaya 41:10

Omiyo kik ibed maluor, nimar an kodi; bende kik kibaji goyi, nimar an Nyasachi. Abiro miyi teko kendo abiro konyi; bende abiro siri gi bada ma korachwich mar loch.”

Jeremia 31:33

“Ma e singruok ma anatim gi dhood jo-Israel bangʼ ndalogo,” Jehova Nyasaye owacho. “Abiro keto chikena e pachgi kendo ndikogi e chunygi. Anabed Nyasachgi kendo ginibed joga.

Zekaria 10:12

Abiro miyo gibedo motegno kuom Jehova Nyasaye, kendo kuom nyinge giniwuoth gichir,” Jehova Nyasaye ema owacho.

Mathayo 6:13

Bende kik iwe wadonj e tem, to reswa e lwet ngʼat marach.’

Jo-Rumi 2:29

Ooyo, ja-Yahudi mar adier en ngʼato ma ja-Yahudi gi e chunye kendo tero nyangu mar adier bende en mar chuny, mano en tich Roho to ok mar rito Chik. Ngʼat ma kamano ok yud pak kuom ji, to oyudo pak kuom Nyasaye.

Jo-Rumi 7:22

Nimar ei chunya maiye amor gi chik Nyasaye;

Jo-Rumi 9:23

Donge dibed ni notimo kamano mondo omi mwandu mar duongʼne ongʼe gi jogo modwaro kecho mane osechano chon ne duongʼ,

1 Jo-Korintho 16:13

Beduru motangʼ, kendo chunguru motegno e yie maru, bende beduru jochir kendo motegno.

2 Jo-Korintho 12:9

to ne odwoka niya, “Ngʼwonona mamiyi oromi, nikech kama nyawo nitie ema tekona tiyoe moloyo.” Emomiyo, abiro medo pakora gi ilo kuom nyawona, eka teko mar Kristo osik kuoma.

2 Jo-Korintho 4:16

Emomiyo chunywa ok nyosre. Kata obedo ni ringrewa ma oko rumo kamano, to chunywa iloko manyien odiechiengʼ kodiechiengʼ.

Jo-Efeso 1:18

Bende alamonu mondo chunyu maiye oyawre mondo ungʼe tiend geno ma oseluongoue, ma gin girkeni mogundho mokano ni joma oyie,

Jo-Efeso 1:7

Ne owarowa kuom rembe koweyonwa richowa koluwore gi ngʼwonone mathoth.

Jo-Efeso 2:7

mondo eka onyisgo tienge duto mabiro mwandu mar ngʼwonone mokalo apima, ma wabiro yudo kuom kech mosekechowago kuom Kristo Yesu.

Jo-Efeso 3:15

nikech kuome ema dhoudi mag joma oyie kuom Kristo duto manie polo gi piny yudoe nyinge madier.

Jo-Efeso 3:8

Kata obedo ni an e ngʼama tinie moloyo jo-Nyasaye duto to ngʼwononi nomiya mondo ayal ne joma ok jo-Yahudi mwandu ma ok rum mar Kristo;

Jo-Efeso 6:10

Mogik, beduru motegno kuom Ruoth, kendo kuom tekone maduongʼ.

Jo-Filipi 4:13

Anyalo timo gik moko duto kuom Kristo mamiya teko.

Jo-Filipi 4:19

To Nyasacha biro miyou gik moko duto muchando, kogolo kuom mwandune maduongʼ manie Kristo Yesu.

Jo-Kolosai 1:11

Tekone maduongʼ biro miyo ubed motegno, mondo ubed joma odhil matimo kinda e yore duto, kendo

Jo-Kolosai 1:27

Gin e joma Nyasaye oseyiero mondo onyis ogendini mwandu gi duongʼ man kuom wach mane opandino, en Kristo modak e chunyu kendo ma en e geno mar duongʼ.

Jo-Kolosai 2:2

Gima adwaro en ni mondo gibed gi chuny motegno kendo giriwre e hera, eka ginibed gi mwandu mar ngʼeyo tiend weche mar adier. Ka gitimo kamano, to giningʼe ma lingʼ-lingʼ mar Nyasaye ma en Kristo,

2 Timotheo 4:17

To Ruoth nochungʼ buta momiya teko, mine ayudo teko mar dhi nyime gilando wach nyaka chop joma ok jo-Yahudi duto winj wach maberno mar Injili. Noresa bende e dho sibuor.

Jo-Hibrania 11:34

kendo neginego gero mar mach; bende negitony e lak ligangla. Nyawo margi nolokore teko mi gidoko joma ger e lweny, ka giloyo jolwenj pinje mamoko duto mane kedo kodgi.

1 Petro 3:4

To chutho ber maru onego obed mano maiye, ma en ber madier mar chuny mamuol kendo mokwe ma en gima duongʼ moloyo e wangʼ Nyasaye.