Jo-Efeso 3:12 - Motingʼo Loko Manyien

¹² Ka wan kuom Yesu kendo wayie kuome to wanyalo dhi e nyim Nyasaye ka wan thuolo chutho kendo ka wan gi chir.

MUMA MALER 2015

¹² Ka wan e achiel gi Kristo, kendo kwayie kuome, to wan gi thuolo mar sudo ir Nyasaye gi chir mondo walos kode.

Jo-Efeso 3:12 ပူးပေါင်းရင်းမြစ်များ

Johana 14:6

Yesu nodwoke niya, “An e yo kendo An e adiera bende An e ngima. Onge ngʼama nyalo biro ir Wuora ka ok okadho kuoma.

Jo-Rumi 3:22

Ngima makareni mar Nyasaye, yudore e yor yie kuom Yesu Kristo ne ji duto moyie. Onge pogruok;

Jo-Rumi 5:2

ma kuome waseyude kuom yie yor chopo e ngʼwono makoro wan-goni. Bende wail kuom geno mar duongʼ mar Nyasaye.

2 Jo-Korintho 3:4

Mano e chir ma wan-go kuom Nyasaye nikech Kristo.

Jo-Efeso 2:18

Nikech kuome waduto koro wan gi yo mwachopogo ir Wuoro, kuom Roho achiel.

Jo-Hibrania 10:35

Kuom mano, kik koro uyie chir mane un-go lalnu, nikech obiro kelonu pok maduongʼ.

Jo-Hibrania 3:6

To Kristo en ja-adiera kaka jatend od Wuon mare. To wan e jood Nyasaye, ka wamako matek chir kod geno ma wan-go.

1 Petro 3:18

Nikech Kristo notho ni richo dichiel kendo mogik, ngʼat makare notho kar joma richo mondo okelu ir Nyasaye. Ne oneg ringre, to kata kamano nomiye bedo mangima kuom Roho.

1 Johana 2:28

Omiyo koro nyithinda mageno, sikuru kuome mondo ka ofwenyore to wabed gi chir kendo maonge wichkuot e nyime ka obiro.

1 Johana 3:21

Omiyo, osiepega mageno, ka chunywa ok ngʼadnwa bura to wan gi chir e nyim Nyasaye.