Joshua 21:4 - Motingʼo Loko Manyien

⁴ Pok mokwongo nodhine jo-Kohath kaluwore gi anywola margi. Jo-Lawi mane nyikwa Harun jadolo nopog mier matindo apar gadek koa e dhout Juda, Simeon kod Benjamin.

MUMA MALER 2015

⁴ Joka Kohath ema nokwong pognigi mier gi ombulu. Jo-Lawi ma nyikwa Harun jadolo noyudo mier apar gadek e piny jo-Juda gi piny jo-Simeon kod piny jo-Benjamin.

Joshua 21:4 ပူးပေါင်းရင်းမြစ်များ

1 Weche mag Ndalo 6:39

kod Asaf jatich kaachiel gi Heman mane otiyo kochungʼ e bade korachwich. Asaf wuod Berekia, wuod Shimea,

Wuok 6:16

Magi e nying joka Lawi kaluwore gi anywolagi: Gershon, Kohath gi Merari. (Lawi nodak kuom higni mia achiel gi piero adek gabiriyo.)

Wuok 6:20

Amram wuod Kohath nokendo nyamin wuon-gi ma nyinge Jokebed, mane onywolone Harun kod Musa. (Amram nodak kuom higni mia achiel gi piero adek gabiriyo.)

Kwan 3:27

E dhood Kohath ne nitiere jo-Amram, jo-Izhar, jo-Hebron, jo-Uziel; magi ema ne anywola joka Kohath.

Joshua 21:3

Omiyo kaka Jehova Nyasaye nosechiko, jo-Israel nomiyo jo-Lawi mier matindogi kod kuonde kwath koa kuom pokgi giwegi.

Joshua 21:5

Nyikwa Kohath mane odongʼ nopog mier matindo apar koa e anywola mar dhout Efraim, Dan kod nus mar dhood Manase.

Joshua 24:33

Eliazar wuod Harun bende notho kendo noyike Gibea, kama nopogne wuode Finehas e piny gode mag Efraim.