Jong’ad Bura 9:49 - Motingʼo Loko Manyien

⁴⁹ Omiyo jogo duto notongʼo bede yath mi giluwo bangʼ Abimelek. Negichano yiendego e kor ot mar hekaluno gi oko eka ne gimoko mach kuom ji ei dalano. Omiyo ji duto mane nitiere kama oger motingʼore gi malo mar Shekem notho, chwo kod mon madirom ji alufu achiel.

MUMA MALER 2015

⁴⁹ Omiyo ng’ato ka ng’ato nong’ado bad yath, mi ne giluwo bang’ Abimelek, kendo ne gichano bede yien-go e kor ot ma iye mar hekaluno gi oko eka ne gimokoe mach mi jo dalano duto notho. Duto ne gin ji moromo alufu achiel, chwo gi mon.

Jong’ad Bura 9:49 ပူးပေါင်းရင်းမြစ်များ

Jo-Galatia 5:15

To ka ukaru kendo ukidhoru kendu mana ka ondiegi, to tangʼuru, nono to ubiro tiekoru.

Jakobo 3:16

Nikech kama nyiego gi piem nitie e kama koko gi timbe maricho duto nitie.

Jong’ad Bura 9:15

“Kudho nowachone yiende ni, ‘Ka adiera udwaro keta ruoth, to biuru kendo upond e tipona; ka ok kamano, to we mach owuog oa e kudho kendo owangʼ sida mag Lebanon!’

Jong’ad Bura 9:20

To ka ok utimo kamano, to mad mach wuog kuom Abimelek mi wangʼu duto, un jo-Shekem kod Beth Milo, kendo mach mondo owuog kuomu mi owangʼ Abimelek!”

Jong’ad Bura 9:48

en kaachiel gi joge duto negidhi e Got Zalmon. Abimelek nokawo le mi otongʼogo bad yath moro, mi notingʼe e goke. Nochiwo chik ne joma nenikode niya, “Uneno gima atimoni! Timuru kamano piyo!”

Jong’ad Bura 9:50

Bangʼ mano, Abimelek nodhi Thebez mine olwore kendo omonje.