Jong’ad Bura 6:22 - Motingʼo Loko Manyien

²² Kane Gideon ofwenyo ni ne en malaika mar Jehova Nyasaye, nowacho niya, “Yaye, Jehova Nyasaye Manyalo Gik Moko Duto! Aseneno malaika mar Jehova Nyasaye wangʼ gi wangʼ!”

MUMA MALER 2015

²² Mano nomiyo Gideon ong’eyo ni kara malaika mar Ruoth Nyasaye ema aye loso kode, mi nowacho niya, “Yaye Ruoth Nyasaye! Kara en adier ni asewuoyo gi malaika mari wang’ gi wang’.”

Jong’ad Bura 6:22 ပူးပေါင်းရင်းမြစ်များ

Chakruok 16:13

Bangʼeno Hagar nochako Nyasaye mane osewuoyo kode nying ni El-roi (ma tiende ni Jehova Nyasaye Maneno); nimar nowacho niya, “Koro aseneno Jalno manena.”

Chakruok 32:30

Kuom mano Jakobo nochako kanyo ni Peniel (tiende ni wangʼ Nyasaye) kowacho niya, “Nikech aseneno Nyasaye wangʼ gi wangʼ kendo ngimana oresi.”

Chakruok 32:31

Chiengʼ notuchne ka okadho Peniel kendo nowuotho kolingʼo nikech bamne nowil.

Wuok 33:20

Nowacho bende niya “Ok inyal neno wangʼa, nimar onge ngʼama nyalo nena mi dok mangima.”

Johana 1:18

Onge ngʼama oseneno Nyasaye, to Wuowi ma Miderma machiegni gi Wuoro ema osemiyo wangʼeye.

Johana 12:41

Isaya nowacho kamano nikech noneno duongʼ maler mar Yesu kendo nowuoyo kuome.

Rapar mar Chik 5:24

Kendo nuwachona niya, “Jehova Nyasaye ma Nyasachwa osenyisowa duongʼne kod tekone kendo wasewinjo dwonde koa e mach. Kawuononi koro wasefwenyo ni ngʼato nyalo bedo abeda mangima kata obedo ni Nyasaye owuoyo kode.

Rapar mar Chik 5:26

Nimar ere dhano mosewinjo dwond Jehova Nyasaye mangima kawuoyo koa e mach, kaka wasewinjo to pod wantie.

Rapar mar Chik 5:5

(E kindeno ne achungʼ e kindu gi Jehova Nyasaye ka asomoneu wach Jehova Nyasaye, nikech ne uluoro mach kendo ne ok uidho got.) Eka nowacho niya,

Jong’ad Bura 6:23

To Jehova Nyasaye nowachone niya, “Bed gi kwe! Kik iluor. Ok nitho.”